Lospalos rcl vp 03-12-2024 Grupu Agricultura Sira Kestiona Ho Hand Traktor Nebe Mappf Distribui Tamba Kiik Liu Susar Ba Sira Atu Utiliza Wainhira Halai Natar.
Xefe Do Grupu Agricultura Canlaran Iliomar Ermenegildo Carvailho Sente Triste Wainhira Hare Ba Hand Traktor Nebe Mappf Simbolikamente Entrega Ona Ba Prezidente Autoridade Munisipiu Lautem Ne’e, Tamba Hand Traktor Ho Marka Firman Ho Kapasidade 600, Laiha Forsa Atu Sira Halai Sira Nia Natar, Tamba La Hanesan Hand Traktor Ho Marka Quick Ho Kapasidade 1000.
” Tuir Ami Nia Hare Hand Traktor Ne’e Nia Forsa La Hanesan Ho Quick 1000 Nee Tamba Iha Ami Nia Irabere Nee Tahu Naruk Agora Hand Traktor Badak Hanesan Nee Tama Ba Natar Bee Bele Tama Ba Makina Laran, Nee Ba Iha Foho No Rai Maran Bele Maibe Ita Tau Iha Natar Irabere Labele. Tamba Nia Kondisaun Nee Badak Liu Pois Nia Makina Nia Forsa Nee 7,5 Deit.”
Hatan Ba Gestaun Ne’e Ministro Agricultura Pescas Pecuaria E Floresta Marco Da Crus mos Konfirma Hand Traktok Ne’ebe Simbolikamente Entrega Ne’e Diak Tamba Kaman Wainhira Uja Hodi Fila Rai tamba Governante Ne’e Informa Katak Hand Traktor Ne’e Diak Atu Tama Ba Natar Laran Tamba Kamaan Wainhira Sae Kabubu Natar Nian, no Hand Traktor Tuan Nian Ne’e Todan tamba Difisil Atu Halai Natar Iha Fatin Klot No Labele Sae Kabubu Tamba Ne’e Governu Sosa Fali Hand Traktor Ho Marka Firma Ba Agricultura Sira Iha Lautem.
” Hand Trakto Ne’e Diak Atu Tama Ba Natar No Ladun Todan Tamba Uluk Nee Todan Liu, Wainhira Halo Movimentu Iha Kabubu Laran Araska Tamba Nee Ita Buka Ida Konfortavel Liu, Ohin Nee Ladun Kiik Tamba Ita Iha Natar Barak Mak Kabubu Kiik, Uja Mos Bensin Nee Duni Sira Bele Asesu, Sira Foin Hare Deit Wainhira Uja Sira Bele Sente Katak Ida Agora Nee Diak Tamba Ladun Todan, Bele Uja Iha Toos No Natar Hotu “.
Entretanto Iha Serimomia Distribuisaun Ne’e Hand Traktor Hamutuk 25, Traktor Medio Iha 3, Makina Baku Haré Iha 3, Makina Behu Batar 3, No Inklui Ai Oan.
Jornalista;Versi
Editor;EL
