Lospalos RCL VP 04/02/2025 = Relasiona ho Programa Merendar Skolar ba tinan ida ne’e nian (2025) ne’e Ministeriu Edukasaun aloka orsamemtu hamutuk Miliaun ida Rehun nen Walu Nolu Resin ida .Atus Lima Tolu Nolu resin hat dolares Americano (1. 681.543.00) nebe sei koloka ba eskola EBF ho montante Rehun Rua Tolu Nolu Resin sia pontu,atus nen sia nolu resin hitu dolares Americano($ 239.697.00) no ba eskola EBC ho montante Rihun ida atus hat hat nolu resin rua pontu atus walu tolu nolu resin hitu dolares Americano $ 1.442.837.00
Secretariu Munisipal Administasaun no Financas Francisco dos Santos, husu ba ekipa gestau merenda eskola sira atu kompri regras nebe estabelese ona nune bele ezekuta ho diak hodi garante aihan nebe saudavel.
‘’liu husi orsamentu Programa merenda escolar nebe mak Ministeiru Educasaun aloka mai iha Munisipiu Lautem ne’e ekipa jestaun merenda escolar sira tenke Ejekuta ho diak tuir regras nebe mak iha no garante aihan nebe saudavel ba Labarik studante sira.’’ Dehan Secretariu Munisipal Administasaun no Financas Francisco dos Santos segunda feira 03/02/20025
Directur Servisu Edukasaun Munisipal Lauten Anibal Fernandes, mos hateten, programa merenda eskolar nebe ministeriu entrega ona ba Autoridade Munisipal nee importante tebes tamba Autoridade lokal bele tau matan ba diretores Eskolar sira hotu atu toma Responsabiliza ba Programa Merenda Escolar ho diak.
” Programa merenda eskolar nebe ministeriu entrega ona ba Autoridade Munisipal nee importante tebes tamba Autoridade lokal bele tau matan ba diretores eskolar sira hotu atu toma responsabiliza ba programa merenda escolar ho diak.” Hateten Directur Servisu Edukasaun Munisipal Lauten Anibal Fernandes
diretur nee mos salienta katak ,wainhira iha implementasaun programa mak mosu itegularidade ruma autorudade lokal, no ekipa gestaun programa iha direitu atu halo intervensaun.
” karik iha infrasaun, iregularidade iha implementasaun programa nee diretur no xefe suku sira inklui ekipa gestaun programa iha direitu atu halo rekomendasaun no relata mai iha autoridade munisipiu no edukasaun atu nune ita bele hamutuk hodi hare programa nee tuir mata dalan nebe mak iha.”
Entertantu :total eskola iha Munisipiu Lautem hamutuk 184 komspostu husi Pre-eskolar hamutuk 48, Ensino Baziku Filial 65, no Ensinu Baziku Central 17. Nebe mak sei hahu implementa Programa Merenda Escolar iha loron nen (6) fulan fevereiru tinan ida ne’e.
Jornalista : versi
Ediotor : EL
