Lospalos RCL VP 25/02/2025 = Autoridade Munisipál Lautém, konvoka reuniaun ho Administrador Postu no Xefe Suku sira inklui Diretor/a Servisu Munisipál no Diretor Delegasaun Territoriál sira, hodi ko’alia kona-ba Preparasaun Sosializasaun ba Konstrusaun Estrada Nasionál no Munisípiu ba komunidade sira iha Munisípiu Lautém, nune’e mós forma Komisaun Organizadora hodi atende atividade sosializasaun nian, iha Salaun Administrasaun Autoridade Munisipál Lautém.
Prezidente Autoridade Munisipál Lautém, Melio de Jesus , hateten, objektivo ba enkontru ida ne’e atu ko’alia kona-ba preparasaun ba Sosializasaun Estrada Nasionál no Munisipál nian, ne’ebé sei hala’o iha loron 1 Marsu, iha fatin Salaun GOR Lospalos, ne’ebé Organiza husi Ministériu Obras Públika ho ekipa tékniku sira//
’’ objektivo ba enkontru ida ne’e atu ko’alia kona-ba preparasaun ba Sosializasaun Estrada Nasionál no Munisipál nian, ne’ebé sei hala’o iha loron 1 Marsu, iha fatin Salaun GOR Lospalos, ne’ebé Organiza husi Ministériu Obras Públika ho ekipa tékniku sira, tamba sosializasaun ida ne’e programa husi Ministériu Obras Públika nian.No liu husi , Sosializasaun ida ne’e sei mobiliza komunidade sira ne’ebé hela iha área konstrusaun Estrada nian sei liu, tanba ida ne’e orientasaun husi MOP ba Administrador Postu, Xefe Suku sira Xefe Aldeia no Delegadu/a sira atu partisipa hotu ba atividade sosializasaun ida ne’e’’. hateten Prezidente Autoridade Munisipál Lautém, Melio de Jesus iha Salaun Administrasaun Autoridade Munisipál Lautém,segunda feira 24/02/2025
Entertantu :liu husi enkontru ida ne’e Prezidente Autoridade Munisipál Lautém, mos husu ba Administrador Postu no Xefe Suku sira atu bele organiza komunidade sira iha Aldeia laran no komunidade sira ne’ebé sei afetadu ba konstrusaun estrada nian, atu bele mai tuir sosializasaun ne’e atu nune’e bele kle’an kona-ba prosesu dezenvolvimentu nian.
Jornalista : Ersi
Editor : EL
