Lospalos RCL VP 10/04/2025 =
Ministériu Finansas, liu husi Diresaun Jerál Formasaun Kapasitasaun Jestaun Finanseiru Públika, hala’o dizeminasaun ba Lei Kódigu Aprovizionamentu no Kontratu Públiku ba Diretor Servisu Munisipál, Diretor Delegasaun Teritoriál no Emprezáriu sira, nune’e bele intende didi’ak no bele iha koñesimentu ba Kódigu Aprovizionamentu nian iha Salaun Administrasaun Munisipál Lautém.
Prezidente Autoridade Munisipál Lautém, Melio de Jesus hateten nia parte , agradese ba ekipa tomak husi Ministériu Finansas nian ne’ebé lidera husi Diretor Jerál, hodi hala’o dizeminasaun kona-ba Kódigu Aprovizionamentu no Kontratu Públiku//
‘’ Hau agradese ba ekipa tomak husi Ministériu Finansas nian ne’ebé lidera husi Diretor Jerál, hodi hala’o dizeminasaun kona-ba Kódigu Aprovizionamentu no Kontratu Públiku Tamba ne’e hau sujere ba Diretór Servisu Munisipál sira no Delegasaun Territoriál sira ne’ebé hala’o knaar iha Munisípiu Lautém, inklui Setor Privadu sira no Parseiru Dezenvolvimentu UNDP bele aproveita oportunidade ida ne’e ho di’ak, tanba sistema aprovizionamentu la’os de’it hala’o iha Administrasaun Autoridade Munisipál Lautém” dehan Prezidente Autoridade Munisipál Lautém, Melio de Jesus kuarta feira 09/04/2025
Prezidente Autoridade Munisipál Lautém mos hateten difikuldade ne’ebé durante ne’e enfrenta mak iha prosesu aprovizionamentu nian maibe nia parte sei fiar katak dizeminasaun ba Kódigu foun aprovizionamentu no kontratu públiku bele responde ona sistema aprovizionamentu‘’ difikuldade ne’ebé durante ne’e enfrenta mak iha prosesu aprovizionamentu nian maibe hau sei fiar katak dizeminasaun ba Kódigu foun aprovizionamentu no kontratu públiku bele responde ona sistema aprovizionamentu’’
Entertantu; dejeminasaun konaba kodigu Aprovijionamentu ne’e lao ho diak tamba hetan partisipasaun masimu husi ba Diretór Servisu Munisipál sira no Delegasaun Territoriál sira ne’ebé hala’o knaar iha Munisípiu Lautém, inklui mos ba Setor Privadu sira no Parseiru Dezenvolvimentu sira iha munisipiu lautém//
Jornalista : EVer
Editor : EL
