Lospalos RCL VP 16/04/2024 =Inisiu husi fulan Janeiro too fulan April Tinan ida ne’e Centru saude internamentu lospalos regista moras tuberkuloze ( TBC sigla portugues) hamutuk ema nain sanolu resin 19. No husi numeru pasiente hirak ne’e sei tuir hela tratamentu.
Responsavel programa tuberkuloze ( TBC ) Benedito cardozu hateten dadaun nee nia parte regista ona moras tuberkuloze hamutuk ema nain 19.No husi numeru pasiente nebe afetadu ba moras tuberkuloze nee tuir hela tratamentu intensivu ho durasaun too fulan 6.
“Dadus pasiente sira nebe mak moras tuberkuloze iha tinan 2025 inisiu husi fulan Janeiro too fulan abril Ne’e ami regista hamutuk ema nain 19, no husi numeru nee halo hela tratamentu inisiu no tratamnmentu intensivu. No prosesu tratamentu tuir prosesu normal sira nebe mak hemu hela amoruk hela ne’e too fulan 6 no fulan premeiru faze intensivu too fulan 4 ba faze kontinuasaun.” Dehan Responsavel programa tuberkuloze ( TBC ) Benedito cardozu
Benedito cardozu mos hateten moras TBC ne’e fasil tebes atu bele hadaet lalais tamba nee nia parte husu ba pasiente sira atu bele lao tuir prokolu Ministeriu saude nian nafatin hodi bele halo prevensaun nune moras refere labele transmite fali ba ema seluk.
” moras nee hadaet ba ema seluk laos tamba keturunan nee lae, tamba nee ema nebe afetadu, iha fatin nebe deit wainhira iha kontaktu direita ka mear la taka ibun no ida seluk la uja masker bele hadaet fasil liu ba ema seluk liu-liu ba sira nebe ho kaben tasak fasil los para atu hadaet ba ema seluk. fasilidade saude liu-liu responsabel ba programa nee wainhira ita nia ema sai ona pasiente ba tbc ami sempre halo promosaun ba sira no familia edukativa ba sira atu nune sira bele iha koinesimentu ba moras ida nee oinsa atu preven moras.”
Entretantu: konaba stok aimoruk ba pasiente tuberkuloze sira iha centru saude lospalos sufisiente nafatin ba sira durante halo tratamentu. .
Jornalista : verru
Editor : EL
