Lospalos RCL VP 30/04/2025 = Ministériu Saúde ka (MS) liu husi Diresaun Nasional Farmacia e Medikamentus ka (DNFM) hala’o enkontru ho Diretor no Xefe Departamentu sira husi Munisípiu 13 inklui RAEOA ho objetivu atu hala’o Avaliasaun Annual 2024 ba Progresu Servisu Farmacia iha Fasilidade Saude no Preparasaun Planu Asaun tinan 2025 no 2026, iha Salaun Parókia Lospalos.
Reprezentante Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária, Zeferino do santus Sequera hateten nia parte sente orgullu, tanba Ministériu Súde hala’o avaliasaun mai iha Munisípiu Lautém.Tanba ida ne’e, husu ba Dirijente sira aproveita oportunidade ida ne’e halo avaliasaun ho didi’ak durante loron rua nia laran, tanba avaliasaun ida ne’e importante tebes ba tinan ida ne’e no ba tinan oin nian.
‘hau sente orgullu, teb-tebes tanba Ministériu Súde hala’o avaliasaun mai iha Ita nia Munisípiu Lautém.Tanba ne’e, hau husu nafatin ba Dirijente sira atu bele aproveita oportunidade ida ne’e halo avaliasaun ho didi’ak durante loron rua nia laran, tanba avaliasaun ida ne’e importante tebes ba tinan ida ne’e no ba tinan oin mai nian”. dehan Reprezentante Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária, Zeferino do santus Sequera Tersa feira 29/04/2025
Zeferino do Santus Sequera mos hateten, durante lor on rua ne’e sufisiente hodi Dirijente sira bele halo avaliasaun didi’ak, nune’e avaliasaun ne’e nia rezultadu ne’ebé di’ak hodi bele atende ba Komunidade sira ho dignu.
” Avaliasaun Annual ba progreso serviso Farmacia nian durante lor on rua ne’e sufisiente hodi Dirijente sira bele halo avaliasaun didi’ak, nune’e Liu Husi avaliasaun ne’e nia bele hetan rezultadu ne’ebé di’ak hodi bele atende ba Komunidade sira ho Dignu”. hateten Zeferino do Santus Sequera
Entertantu : enkontru avaliasaun Annual ba progreso serviso Farmacia iha munisipio Lautém ne’e lao hodiak tamba hetan partisipasaun masimo husi Medico no Infermeiro sira
Jornalista : Ever
Editor : EL
