Agensia Nasoens Unidas Assuntu Labarik (UNICEF) Iha Timor Leste , Fasilita Formasaun ba Labarik Sira ne`ebe durante ne`e Hala`o Programa Radio , kona ba Labarik nia lian ga LNL iha Radio Comunidade Lospalos , hodi Aumenta Konyesimentu Klean kona ba Konvensaun Direito Labarik (KDL) iha Salaun Radio Komunidade Lospalos Vox Populy
Ofisial komunikasaun UNICEF Timor Leste Domingos Monemnasi (indra ) iha Abertura formasaun ne’e hateten , ho Formasaun ida nee , oinsa labarik sira (Ekipa LNL) iha Lospalos , bele hasae Esperensia iha Area Komunikasaun , liu-liu Oinsa Intervista no bele Produs sira nia programa rasik liu husi Kanal Midia , liu-liu Radio Comunidade Lospalos , nune`e sira bele Transmiti hikas ba sira nia maluk no ba Inan aman sira iha Lautem.
” Ohin loron , hanesan loron Importante ba Labarik Ekipa LNL , Ne`ebe durante nee halao Programa Labarik nia Lian (LNL) iha Radio Lospalos , atu bele hetan Informasaun kona ba Situasaun Labarik sira iha Timor Leste , nune`e mos Ekipa LNL bele iha Konyesimentu diak , oinsa Intervista , Produs no Transmiti Programa Labarik nia lian liu husi Kanal Midia , liu-liu iha Radio Komunidade Lospalos ba sira nia Belun Labarik no ba Inan Aman sira iha Lautem.''
Iha fatin hanesan Gestora Radio komunidade lospalos Ermelinda da silva Pereira mos hateten , nia parte orgulho no agradese ba Unicef tamba bele mai iha munisipiu lautem hodi fahe esprensia konaba direitu labarik nian ba ekipa Lian labarik radio komunidade lospalos nian nune’e bele hatene direitu labarik nian , no bele transporta hikas ba Inan aman sira liu husi Pakote Progrma ne`ebe sira produs rasik.
”Hau Orguilu tebes ho prejensa Unicef nian iha Radio Lospalos , tamba ho Prejensa ne`e Ekipa LNL bele hetan Konyesimentu kona ba Konvensaun Direitu Labarik , nune`e sira bele uja sai mata dalan ida hodi Produs Programa Radio nian ho diak , no transmiti ba sira nia maluk no Inan aman sira.”
Entertantu : formasaun konaba konvensaun direitu labarik ne’e lao ho diak tamba hetan partisipasaun masimo husi ekipa lian labarik radio komunidade lospalos nian durante loron rua hahu husi quarta feira to’o quinta feira ne’e.
RCL Team
