Lospalos RCL VP 19/05/2025 = Membru Polisia nasional Timor leste ka PNTL iha Munisipiu Lautém hamutuk Atus Ida Rua Nolu Resin Hitu (127) mak simu ona Empozisaun Diviza Promosaun Tranzitoria no Promosaun Por antiqidade iha PNTL Munisipiu Lautem.
Reprezentante Komando Jeral PNTL Inspektur Jeral PNTL Superintendente Xefe Polisia Jorge Monteiro heteten, Promosaun Diviza ba membru sira laos prezente Gratuita husi governu , maibe nudar Rekonesimentu ida hodi kontinua servi povu no nasaun.
” Promosaun Diviza ba membru sira laos prezente gratuita nebe simu husi governu , maibe nudar Rekonesimentu ida hodi kontinua servi povu no Nasaun,tamba husi Rekonhesimentu ida ne’e husi instituisaun PNTL ba membru polisias sira nia direitu fundamental no principal nudar membru PNTL.hateten Reprezentante Komando Jeral PNTL Inspektur Jeral PNTL Superintendente Xefe Polisia Jorge Monteiro 16/05/2025
Superintendente Xefe Polisia Jorge Monteiru , mos husu ba Membru PNTL Munisipiu Lautem atu mantein hametin unidade hodi servi no proteze sidadaun sira hotu liu-liu iha Munisipiu Lautem.
“hau husu ba komando Munisipiu Lautem hamutuk ho nia Estrutura tomak iha nivel Munisipiu too iha eskuadra sira mantein nafatin ita boot sira nia unidade amizade no espiritu de korpu e espiritu kamaradazen hodi bele forte mo solidu hodi serve no proteze sidadaun hotu espesial Munisipiu Lautem.” dehan Superintendente Xefe Polisia Jorge Monteiru
iha fatin hanesan Komandante PNTL Munisipiu Lautem Superintendente Polisia Joao Da Costa,mos Agradese ba politika Nono Governu Konstitusional inklu ekipa Komando PNTL ho nia ekipa komisaun tamba bele realiza serimonia promosaun diviza ba Membru polisias sira iha Lautem.
” hau mos Agradese ba politika Nono Governu Konstitusional inklu ekipa Komando PNTL ho nia ekipa komisaun hodi ohin loron bele realiza serimonia promosaun diviza ba Membru PNTL sira iha Lautem ,tamba Politika nonu Governu nebe Lidera husi Primeiru Ministru atraves ministru interior liu husi estatutu PNTL no lei organiza PNTL ohin ita bele realiza espesial ba ekipa promosaun komisaun promosaun nebe esforsu tomak durante fulan 5 resin nia laran husi komandu PNTL Lautem no prezidente komisaun Organijadora ho nia ekipa tomak nia sakrifisiu ohin loron ita bele realiza.” Komandante PNTL Munisipiu Lautem Superintendente Polisia Joao Da Costa dehan mai ita.’’
komandante PNTL mos husu ba membru emposadu sira atu kontinua serbisu hamutuk ho Autordade Lokal no komunidade sira ,nune bele servi no proteze povu ho diak.
” hau husu ba Membru PNTL Lautem sira tenki hatudu nafatin sira nia serbisu hamutuk ho komunidade no autoridade halo koperasaun ho lider komunitariu hodi servi ita nia komunidade,no promosaun emposizaun divizaun tranzitori no promosaun por antividade iha Komando P NTL Munisipiu Lautem hamutuk ema nain 127, kompostu superintendente asistensia nain 6, mane 5 feto 1, inpektor sefe nain 9, mane hotu. inspektor nain 10, inspektor asisten 36 mane 33 feto 3, sargentu xefe 38 mane 29 feto 9, \primeiro sergentu 25, mane 13 feto 12, sergentu laiha, agente xefe nain 3. husi numeru 127 kompostu husi mane hamutuk 102 feto 25.dehan Joao Da Costa
Enkuantu Empozisaun Diviza Promosaun Tranzitoria no promosaun por Antiquidade bazea ba politika nonu governu nian halo revizaun ba estatutu PNTL no 69/2022 no estatutu pessoal no° 35/2024.
Jornalista : veru
Editor : EL
