Lospalos rcl vp 20-05-2025 Timor Leste Selebra Loron Restaurasaun Independensia iha tinan Nee ba dala 23 ho tema ” hametin paz no Dezenvolvimentu ” maibe Realidade Dezenvolvimentu iha Munisipio , liu-liu infrastutura bazika lao hakdasak iha Munisipiu Lautem.
Komunidade Munisipiu Lautem Maria Lizia de Fatima hateten, Timor Leste Restaura ona nia independesia ba dala 23 ona, maibe komunidade Lautem seidauk sente ba Dezenvolvimentu liu-liu Infrastutura ,Bazika hanesan Estrada ne’ebe sei kontinua Aat,tamba ne’e Governu Presiza Hadia atu nune Povu Lautém bele sente Dezenvolvimentu.
‘’ Timor Leste Restaura ona nia independesia ba dala 23 ona maibe komunidade Lautem seidauk sente dezenvolvimentu liu-liu infrastutura bazika hanesan estrada nebe sei kontinua aat,tamba nee governu presiza hadia atu nune povu Lautem bele sente Dezenvolvimentu,tamba 20 de maio ohin ba dala 23 nee hare liga ba dezenvolvimentu hanesan komunidade seidauk sente ba dezenvolvimentu no kompara ho munisipiu seluk ezemplu ida mak infrastutura espesial ba estrada husi lautem mai kapital munisipiu seidauk book sei hakdasak liu.no hau mos rekomenda hafoin partisipa serimonia ichar bandeira iha posttu lospalos.hateten Maria Lizia de Fatima
Husi sorin seluk Xefe Suku Leuro Carlito Viegas mos haktuir ,Governu Presija tau matan ba infrastrutura bazika liu-liu estrada atu nune’e komunidade sira bele asesu ba Merkadu ho diak.
” Nudar autoridade lokal sente triste tamba ita restaura independensia ba 23 maibe dezenvolvimentu iha lautem ami observa ladun lao, ho ida nee ami ejize nafatin ba governu atu bele tau matan ba dezenvolvimentu liu-liu estrada tamba estrada ladiak ba komunidade atu asesu ba merkadu governu mos presija hare ba asuntu saude nian tamba aimoruk menus iha postu siska inklui edukasaun iha area rural sei enfresta problema barak. tamba nee governu presija rezolve..” Dehan Xefe Suku Leuro Carlito Viegas
Kordenador komite 12 Novembru Munisipiu Lautem, Valenti dos Santos ho kodiku “Nato” mos Rekomenda ba Governu liu-liu Ministeriu Obras Publika atu hare ba Infrastutura bazika ba kada Postu Administrativo iha Munisipiu Lautém atu nune’e komunidade sira iha baze bele asesu.
” hau rekomenda ba governu liu-liu ministeriu obras publika atu hare ba infrastutura bazika ba kada Postu Administrativo iha munisipiu lautem atu nune komunidade sira iha baze bele asesu mensagen ba governu diak liu aplika programa nebe promete antes ba ukun para povu bele asesu ba dezenvolvimentu,tamba estrada kompetensia ba obras publika nasional inklui Autoridade Munispiu nia serbisu oinsa hare ba dezenvolvimentu Munisipiu nian nune komunidade sira bele asesu ba.” Kordenador komite 12 Novembru Munisipiu Lautem, Valenti dos Santos ho kodiku “nato”dehan mai ita
realsiona ho preokupasaun hirak nee ,Administrador Postu administrative Lospalos Olderico Coimbra mos hateten , Infrastutura bazika iha Munisipiu Lautem liu-liu Estrada Nasional Hahu husi Postu Lautém too mai iha Postu Lospalos no Prosesu Tenderizasaun hotu ona hein deit publikasaun naran kompaha nebe mak sei halo konstrusaun.
” prosesu dezenvolvomentu ba tinan nee sai hanesan planu nasional, preokupasaun povu liu-liu infrastutura prosesu tenderizasaun hotu ona ita hein deit atu anunsia husi parte obras publikus rezultadu manan nain ida nebe sei kaer obra liu-liu estrada hahu husi lautem mai vila lospalos ,depois de anunsiu ba vensedor prosesutenderizasaun ida nee konstrusaun sei lao.”hateten Administrador Postu administrative Lospalos Olderico Coimbra
Entretantu: Autoridade Munisipal Lautem mos kompromete katak antes mandatu ba tinan 4 Autoridade Munisipal, inklui sefe suku no sefe aldeia sira sei esforsu makas hodi dezenvolve rai Lautem tuir programa nebe iha.
Jornalista;veru
Editor;EL
