Lospalos rcl vp 18/06/2025 =Ministra Edukasaun hamutuk ho organijasaun SPANDE TUEL husi Australia hamutuk ho Prezidente Autoridade Munisipal inagura Edefisiu Pre -eskolar iha Suco Muapitine Postu Administrativo Lospalos Munisipio Lautem
Ministra Edukasaun ,Dulce De Jesus Soares iha Abertura ina gurasaun ne’e hateten, Edefisu Pre-eskolar ho sala rua hamutuk ho sintina lima,no kompleta ho sanitaria iha Sucu Muapitin ne’e, hetan apoiu husi organijasaun SPANDE TUEL ne’ebe apoiu ona Edukasaun hodi konstrui Edefisiu pre -eskolar ba estudantes sira iha sucu Muapitine.
‘’ Edefisu pre eskolar ho sala rua hamutuk ho sintina lima,no kompleta ho sanitaria iha Sucu Muapitin ida ne’e, hetan apoiu husi organijasaun spande tuel ne’ebe apoiu ona Edukasaun hodi konstrui Edefisiu pre -eskolar ba estudantes sira iha sucu Muapitine,Tamba organijasaun Spande Tuel ne’e konstrui ona edefisiu hamutuk rua nolu resin hat tamba ne’e, hau agradese tebes ba Spande Tuel ne’ebe bele ajuda ona Ministeiru Educasaun ,hodi bele konstrui ona edefisiu ba manorin nain sira, ho estudantes sira iha Lautem.hateten Ministra Edukasaun ,Dulce De Jesus Soares Quarta feira ne’e.18/06/2025
Embaixadora boa vontade ba edukasaun, Kirsty Sword Gusmaun mos hateten , laos foin maka halo kontrusaun edefisiu ba pre eskolar iha sucu muapitine ,maibe iha tinan rehun rua sanolu resin rua sira konstrui uluk edefisiu ida, no iha tinan ida ne’e sira konstrui tan edefisiu ida ho sala 2, no sintina ho sanitaria.
‘’Ami laos foin maka halo kontrusaun edefisiu ba pre eskolar iha sucu muapitine maibe iha tinan rehun rua sanolu resin rua sira konstrui uluk edefisiu ida, no iha tinan ida ne’e sira konstrui tan edefisiu ida ho sala 2, no sintina ho sanitaria.tamba Ami husi embaixadora boa vontade ne’e , hari’i ona edefisiu ne’ebe sira konstrui uluk iha tinan rehun rua sanolu resin rua ne’e,no la sufesente ba estudantes sira tamba dadaun ne’e estudantes hamutuk ema nain sia nolu resin, tamba ne’e, sira halo tan konstrusaun edefisu ne’e, hodi estudantes sira bele utilija fatin ho diak no seguru atu nune bele tuir Prosesu Aprendijajen ho diak. Dehan Embaixadora boa vontade ba edukasaun Kirsty Sword Gusmaun
Iha fatin hanesan Cordenador Pre-eskolar Muapitine, Anina Martins mos agradese ba apoiu hirak ne’e, tamba bele fasilita ona sira nia prosesu Aprendijajem iha sira nia eskola, tamba durante ne’e sala de aula la sufisiente ba sira maibe, ho edefisiu foun ne’e bele akumla ona sira nia estudantes iha turnu ida deit.
‘’hau agradese tebes ba apoiu hirak ne’e, tamba bele fasilita ona sira nia prosesu aprendisagen iha sira nia eskola, tamba durante ne’e sala de aula la sufesente ba sira maibe, ho edefisiu foun ne’e bele akumla ona sira nia estudantes iha turnu ida deit. Hateten Cordenador pre eskolar muapitine, anina martins
Entertantu: Total orsamentu ne’ebe halo konstrusaun ba Edefisiu ho sintina no mos sanitaria ne’e hamutuk dolares americano rihun lima nolu resin, no konstrusaun ne’e hala’o iha fulan marsu no remata iha fulan maio tinan ne’e.
Jornalista:Nitu
Editor:El
