Lospalos rcl vp 26-06-2025=Autoridade Munispál Lautém, liu husi Diresaun Servisu Munisipál Protesaun Sivil no Jestaun Dezastre Naturais realiza enkontru regulár 2° Trimestre tinan 2025, ba membru Konsellu Munisipál Koordenasaun Protesaun Sivil nian oinsá halo planu protesaun sivíl nian hodi atende ba situasaun emerjénsia nian iha Munisípiu Lautém, iha Salaun Postu Administrativu Lospalos.
Reprezentante Prezidente Autoridade Munisipál Lautém nu’udar Prezidente Konsellu Munisipál Protesaun Sivil, Administrador Postu Administrativu Lospalos, Olderico Coimbra hateten, enkontru regulár ida ne’e kada fulan tolu tenke hala’o, ne’ebé organiza husi Diresaun Servisu Munisipál Protesaun Sivil no Dezastre Naturais Munisípiu Lautém, ne’ebé foka liu ba servisu Protesaun Sivil no Dezastre Naturais nian, tanba ida ne’e ho objetivu hodi aprezenta atividade ne’ebé durante fulan tolu hala’o ,no oinsá mos Planu ba oin.
‘’ Enkontru regulár ida ne’e kada fulan tolu tenke hala’o, ne’ebé organiza husi diresaun servisu munisipál protesaun sivil no dezastre naturais munisípiu lautém, ne’ebé foka liu ba servisu protesaun sivil no dezastre naturais nian, tanba ida ne’e ho objetivu hodi aprezenta atividade ne’ebé durante fulan tolu hala’o ,no oinsá mos planu ba oin,tamba servisu hotu hanesan knaar no responsabilidade Autoridade no membru Konsellu tomak atu kolabora ba Departamentu hotu ne’ebé relasiona ho servisu asuntu Protesaun Sivil no Dezastre Naturais hodi bele haree problema ne’ebé komunidade sira enfrenta iha terenu,Tanba ida ne’e, membru Konsellu Dezastre Naturais sira hotu ne’ebé mak partisipa actividade ida iha devér no obrigasaun atu responsabilidade, nune’e tenke servisu hamutuk ho entidade sira hotu hodi bele responde kualkér situasaun ne’ebé futuru mosu iha komunidade sira nia leet.hateten Reprezentante Prezidente Autoridade Munisipál Lautém nu’udar Prezidente Konsellu Munisipál Protesaun Sivil, Administrador Postu Administrativu Lospalos, Olderico Coimbra 25/06/2025
Iha fatin hanesan, Diretor Diresaun Servisu Munisipál Protesaun Sivil no Jestaun Dezastre Naturais 𝗖𝗮𝘀𝗶𝗺𝗲𝗿𝗼 𝗔𝘀𝘀𝘂𝗻çã𝗼 𝗣𝗶𝗿𝗲𝘀, mos hateten , liu husi enkontru regulár 2° Trimestre, ba membru Konsellu Munisipál Protesaun Civil Munisípiu Lautém atu oinsa bele fahe informasaun ba malu relasiona ho atividade ne’ebé futuru presiza hala’o,
‘’ Servisu Munisipál Protesaun Sivil realiza enkontru regulár 2° Trimestre, ba membru Konsellu Munisipál Protesaun Civil Munisípiu Lautém nianTanba ida ne’e atu fahe informasaun ba malu relasiona ho atividade ne’ebé futuru presiza hala’o ho ida ne’e ita hotu tenke servisu hamutuk atu nune bele lao ho diak liu tan tamba ne’e Diresaun Servisu Munisipál Protesaun Sivil, aprezenta Planu Protesaun Sivil ba situasaun emerjénsia no Autoridade Protesaun Sivil (APC) Munisípiu Lautém mós aprezenta progresu servisu kona-ba komandu operasionál Autoridade Protesaun Sivil durante fulan Janeiru to’o Juñu 2025.’’dehan Diretor Diresaun Servisu Munisipál Protesaun Sivil no Jestaun Dezastre Naturais 𝗖𝗮𝘀𝗶𝗺𝗲𝗿𝗼 𝗔𝘀𝘀𝘂𝗻çã𝗼 𝗣𝗶𝗿𝗲𝘀
Entretantu, Dezastre Naturais ne’ebé akontese iha Munisípiu Lautém hahú husi fulan Janeiru to’o Juñu 2025, hamutuk 69 dezastre, enkuantu dezastre hirak ne’e iha tipu hanesan, Anin Sobu Uma hamutuk 59, Ai Hanehan Uma hamutuk 2, Ai Han Uma hamutuk 7 no Mota Lori Komunidade 1.
Jornalista:silisi
Editor:El
