Lospalos rcl vp 02/-7/2025 Gabinete Apoiu Sosiedade Sivil ho sarani katolika sira iha Suku Pairara hatur fatuk dahuluk ba konstrusaun kapela Sao Francisco de asis iha suku pairara, Postu Asministrativo Lautem, Munisipiu Lautém.
Reprezentante Gabinete Apoiu Sosiedade Sivil, iha Gabinete Primeiru Ministru, Horacio Gonsalves da Costa hamutuk ho sarani katolika, hatur fatuk dahuluk ba Konstrusaun kapela Sao Francisco de Asis iha Suku Pairara Lautem, nune’e Sarani sira bele ativa iha acividade espritual ho diak.
‘’ sarani katolika, no Gabinete Apoiu Sosiedade Sivil, hatur fatuk dahuluk ba Konstrusaun kapela Sao Francisco de Asis iha Suku Pairara Postu Lautem,atu nune Sarani sira bele utilija ho diak,tamba reprezentante gabinete apoiu sosiedade sivil mos husu ba sarani suku pairara,atu kopera no servisu hamutuk ho komisaun inklui Autoridade Komunitariu hodi konstroi kapela refere ho kualidade ida neebe diak.hateten Reprezentante Gabinete Apoiu Sosiedade Sivil, iha Gabinete Primeiru Ministru, Horacio Gonsalves da Costa 01/-7/2025
Amu Paroquia Cristo Liurai Lautem,Pascoal Natalino mos hateten, atu harii kapela iha suku pairara ne’e , atu sarani katolika sira bele halao atividade esperitual hodi hametin fiar iha familia tamba ne’e husu ba sarani katolika suku pairara tenke hametin unidade hodi sai hanoin ida deit ba konstroi kapela refere.
‘’ atu harii kapela iha suku pairara ne’e , atu sarani katolika sira bele halao atividade esperitual no atu hametin fiar iha familia tamba ne’e husi sarani suku pairara tenke hametin unidade hodi sai hanoin ida deit ba konstrusaun ba kapela refere.’’hateten Amu Paroquia Cristo Liurai Lautem,Pascoal Natalino.’’
Administrador Postu Administrativu Lautem, Anacleto Fernandes Xavier mos ,agradese tebes ba Primeiru Ministru liu husi Gabinete Apoiu Sosiedade Sivil, tamba bele Responde ona komunidade suku pairara nia preukupasaun hodi harii kapela, neebe durante tinan barak laiha
‘’ hau agradese tebes ba Primeiru Ministru liu husi Gabinete Apoiu Sosiedade Sivil/ tamba bele responde ona komunidade suku pairara nia preukupasaun hodi harii kapela, neebe durante tinan barak laiha.’’dehan Administrador Postu Administrativu Lautem, Anacleto Fernandes Xavier
Entertantu:Projetu Komunitariu ba Konstrusaun Kapela Sao Francisco de Asis iha Suku Pairara ne’e , apoiu osan husi GASC ho Total hamutuk , Dolar Americano Rihun Haat Nulu Resin Lima, no konstrusaun kapela refere, hahu iha loron 15- fulan maiu, no sei remata iha loron 31- fulan dezembru tinan 2025, ho nia Medida 20×12 no sei akumula sarani atus tolu resin.
Jornalista;CC
Editor:EL
