Lospalos rcl vp 11-07-2025=Ministériu Administrasaun Estatal (MAE), organiza Atividade Formasaun no Sensibilizasaun ba funsionáriu sira kona-ba Igualidade Jéneru Defisiensia no Inkluzaun Sosial (IJDIS) nune’e Funsionáriu sira bele intende di’ak hodi hala’o tuir iha servisu fatin, tamba actividade ne’e apoiu husi PARTISIPA, iha Salaun Administrasaun Autoridade Munisipál Lautém.
Reprejentante Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária, Zeferino dos Santos Sequeira hateten, formasaun no sensibilizasaun ida ne’e importante tebes ba ita hotu atu Partisipa ho Kompletu durante loron rua nia laran,no formasaun ne’e relasiona ba igualdade Jeneru Defisiensia no Inclusaun Sosial.
‘’ formasaun no sensibilizasaun ida ne’e importante tebes ba ita hotu atu partisipa ho kompletu durante loron rua nia laran,no formasaun ne’e relasiona ba igualdade Jeneru Defisiensia no Inclusaun Sosial,Tamba ne’e iha formasaun ida ne’e sei ko’alia liu kona-ba balansu feto no mane, no ko’alia mós kona-ba orsamentu sensivel ba jéneru ne’ebé hahú tetu husi Ministeriu Finansas, no objetivu ba formasaun ida ne’e hato’o informasaun ba partisipasaun sira ba feto, mane no ema ho defisiénsia.hateten Reprejentante Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária, Zeferino dos Santos Sequeira.
Entertantu: husu ba partisipante sira, hodi partisipa sensibilizasaun ida ne’e ho diak no tenke kompletu durante loron rua nia laran, atu nune’e bele komprende, wainhira formasaun ne’e remata bele hatutan ba funsionáriu sira balun.
Jornalista:Sili
Editor;EL
