Lospalos rcl vp 11-07-2025=Maski Nasaun Timor leste ukun a’an durante tinan 20 resin ona, maibe Ensinu Baziku Filial ( EBF) 1,2 assalaino, seidauk hetan rehabilitasaun husi Governu to’o ohin loron, tamba Eskola refere nia kondisaun grave tebes, no Difikulta ba Estudante sira nia prosesu Aprendijazen wainhira iha tempu udan liu-liu tempu anin fo Ameansadu ba Vida Estudante sira.
Estudante husi EBF Assalaino Festisia Moniz Xavier, husu ba Ministeriu Edukasaun atu hadia sira nia eskola, tamba dadaun nee kondisaun eskola refere la seguru ba estudante sira atu tuir prosesu aprendizajen ,tamba wainhira tempu udan monu rai liu-liu tempu anin fo risku ba sira vida tamba kakuluk eskola hahu dodok ona.
‘’ hau husu ba ministeriu edukasaun atu hadia sira nia eskola, tamba dadaun nee kondisaun eskola la seguru ba sira atu tuir prosesu aprendizajen ,tamba wainhira tempu udan monu rai liu-liu tempu anin fo risku ba sira vida tamba kakuluk eskola hahu dodok ona.hateten Estudante husi EBF Assalaino Festisia Moniz Xavier
iha fatin hanesan cordenador EBF Assalaino Luciano dos Santos mos hateten , kondisaun Eskola Ameansadu tebes ba estudante sira nia vida wainhira iha tempu anin ,tamba eskola kakuluk hahu dodok liu-liu iha tempu udan no difikulta tebes ba Prosesu Aprendizajen,no sala de aula mos la sufisiente ba estudante sira.
‘’ kondisaun Eskola Ameansadu tebes ba estudante sira nia vida wainhira iha tempu anin ,tamba eskola kakuluk hahu dodok liu-liu iha tempu udan no difikulta tebes ba Prosesu Aprendizajen,no sala de aula mos la sufisiente ba estudante sira tamba agora dadaun iha deit sala tolu nune fahe estudante sira ba turnu 2,hodi tuir Prosesu Aprendijajen, tamba ita konta timor ukun an no tinan 2o resin ona eskola refere aat too ohin loron maibe, governu timor leste la tau matan maske parte eskola hatoo bebeik Problema Eskola nian ba servisu Edukasaun Munisipal Lautem Laiha Resposta.
Cordenador EBF Assalaino ne’e mos hateten,iha eskola ne’e fasilidade sanitaria la seguru ba Studante sira wainhira atu asesu ba Bemos.
‘’ iha eskola ne’e fasilidade sanitaria la seguru ba Studante sira wainhira atu asesu ba bee mos hodi fasilita estudante no profesor sira wainhira asesu ba haris fatin, tamba nee obrigadu tenki hola bee husi komunidafe nebe besik area eskola nian hodi ense ba tanki haris fatin nian.dehan Luciano dos Santos
hatan ba preokupasaun nee Diretor servisu Edukasaun Munisipal Lautem, Anibal Fernandes mos hateten Problema Eskola EBF Assalaino, ne’e parte Edukasaun Munisipal hatama ona ba Lista Emergensia no relata ona ba Ministeriu Edukasaun hodi hein nia prosesu.
‘’ Problema Eskola EBF Assalaino, ne’e parte Edukasaun Munisipal hatama ona ba Lista Emergensia no relata ona ba Ministeriu Edukasaun hodi hein nia prosesu tuir mai. Diretor servisu Edukasaun Munisipal Lautem, Anibal Fernandes.’’
Entretantu :Total Estudante iha EBF Assalaino ne’e hamutuk ema nain 155 no profesor hamutuk ema nain 7 inklui Cordenador.
Jornalista;verru
Editor;EL
