lospalos 19/02/2021
Komunidade ida ho Naran Dinis oliveira husi Suku Rasa Postu Administrativu Lospalos Municipiu Lautem ho inisiativa rasik kria ona kampu Servisu ba a’an rasik , liu husi area Hortikultura no Agrikultura nian , atu bele hetan rendimentu hodi sustenta nessesidade uma laran nian.
Komunidade Dinis Oliveira ba Jornalista RCL iha nia rezidensia quinta feira 18/02/2021 ne’e declara katak , durante tempu bai loron nia parte kuda modo ho hektar ida resin , Tamba Liu husi Nia esforsu bele sustenta Oan Nia eskola no Economia Familia Uma laran nian.
Alende nee mos Nia parte esforsu an hodi kuda Hudi , batar no aihoris Sira seluk Iha tempo Udan.
Dinis Oliveira nebe mos haktuir tan katak , maske produtu lokal nebe nia produs ona ne’e ladun folin , maibe la hamate nia Nia espirito hodi kontinua servisu Iha area Hortikultura nian.
Entertantu : komunidade dinis ne’e mos husu ba juventude sira iha municipiu Lautem tomak atu la bele depende ba inan aman maibe tenke kria kampu de traballhu ba a’an rasik liu husi Servisu saida deit hodi benefisia Ekonomia ba an rasik .
JORNALISTA MARITO BERNADINO
EDITOR: NASCIMENTO PROVINCIAL
