RCL VP NEWS 07/12/2021
Centro Dezenvolvimentu Juventude (CDJ) servisu hamutuk ho Institutu Apoiu Dezenvolvimentu Empresarial (IADE) Municípiu Laútém Tersa Feira (07/12/2021) ne’e, hala’o Formasaun Kona-ba Planu Negosiu nian ba Grupu nain sira iha Municípiu Laútém, hodi hasae koñesimentu Grupu nain sira iha area Negosiu.
Pessoal Centro Dezenvolvimentu Juventude Municípiu Laútém, Elder Gustavo ba jornalista RCL iha nia knar fatin Tersa Feira ne’e Hatete, Formasaun ida ne’e hanesan kontinuasaun husi Implementasaun Programa Emprededorismu ne’ebe implementa husi equipa CDJ Municípiu Laútém iha kada Postu Administrativu sira.
Elder Gustavo mos haktuir, objektivu husi Formasaun ida ne’e, atu kapasita grupu nain sira , oinsa bele jere ida-idak nia negosiu ho diak, tamba grupu hirak ne’e hetan ona Fundus husi CDJ Municipio Laútém iha fulan hirak liu ba.
“ Formasaun ne’ebé hala’o dadauk ona ne’e kontinuasaun husi programa fundus empedorismu ne’e enrega ona ba kada grupu ho montante $ 1000, Formasaun ida ne’e atu kapasita sira oinsa sira bele halo negosiu ho diak tamaba formasaun ne’e fasilita husi IADE,” hatete Elder Gustavo ba jornalista RCL iha nia knar fatin Tersa Feira ne’e.
Fatin hanesan Director IADE Municípiu Laútém, Jildu Dos Santos Coly mos akrecenta, Formasaun kona-ba Planu Negosiu ne’e hanesan Matadalan ida ba Gurupu negosio, juventude no komunidade sira oinsa bele jere ida-idak nia negosiu rasik, tamba ne’e servisu IADE mai fasilita formasaun refere ba Juventude no Grupu nain sira iha Centro Dejenvolvimento Juventude.
“Planu negosiu hanesan matadalan ida para ita atu bele la’o tuir, palnu negisu nia funsaun iha tolu, wainhira ita hatene hakerek planu negosiu it abele kontrola ita nia busniss, e segundu ita bele uza ita nia planu negosiu ida ne’e, ita bele hatama ba instituisaun ida hodi hetan KAPITAL de traballu no mos wainhira ita hatene planu negosiu, it abele kontrola ita nia bisniss ne’e rasik,” Jildu Dos Santos Coly akrecenta.
Entertantu : xefe Finansa Centro Dezenvolvimentu Juventude Municípiu Laútém informa, Fundus ne’ebé fasilita ba Programa Elesbi no Formasaun refere ne’e hetan apoiu husi Sekretariu Estadu Juventude no Desportu ho Montante $ 6,367.
Jornalista:ito
Editor:Nascimento Provincial
