Lospalos [RCL Vox Populy] – Relasiona ho rendimentu Ekonómia família, labarik sira Obrigado tenke ajuda inan-aman sira hodi hala’o aktividade negósiu bele sustenta ekonómia uma laran, no apoiu nesesidade eskolar.
Labarik iha Aldeia Motolori Suku Fuiloro Posto Lospalos Juvensio Dias Belo, durante ne’e labarik tenke ajuda inan-aman sira, iha aktividade negósiu, liu husi faan modo.
Rejultadu husi aktividade ne’e, kada loron ida, hetan dolares 15 to’o 20.
‘’Hau kontetente hodi ajuda hau nia inan aman sira faan modo kada loro ida hau hetan osan dolar sanolu resin lima selae dolares rua nolu maibe liu husi osan ida ne’e hau mos fo hau nia inan aman nomos hau mos uja hodi atende hau nia eskola”. Nia konta tuir.
Labarik seluk fali, Noara Pereira konta, liu husi faan modo iha Vila Lospalos, tamba ekonómia uma laran la admite, no inan-aman kbiít laek, nune`e deside sa eskola halaó aktvidade ne’e.
Labarik sira ne’e, la iha tempu atu deskansa, no halimar ho labarik sira seluk, obrigafo tenke ajuda inan-aman hodi buka osan liu husi aktividade faán modo.
‘’hau nia hakarak rasik hodi ajuda inan aman faan modo tamba ami nia Ekonomia Uma laran la admite no Inan aman Kbi`it la`ek hodi ida ne’e hau tenki ajuda inan aman buka osan susententa ekonomia uma laran nian’’. Nia tenik.
Arcenio da costa, labarim ida husi postu Iliomar, faan matolu daan iha vila lospalos espresa katak, aktividade negósiu ne’e ajuda inam -aman, nune’e bele sosa kadernu, lapijera no sasan sira ne’ebé presija.
“Hau mai husi postu iliomara suku Alilabero Aldeia Marafal husi eskola ensino bajiko iliomar klase sestu ano , hau mai faan mantolu daan iha vila lospalos nee durante fulan ida ona no liu husi mantolu daan nebe hau faan nee ,hau bele ajuda hau nia inan aman sira atu nunee bele hola ami nia kadernu ,lapijera no sasan sira seluk nebe mak ami presija ,hau nia hakarak rasik hodi ajuda inan aman faan modo , tamba ami nia Ekonomia Uma laran la admite no Inan aman Kbi`it la`ek , hodi ida ne’e hau tenki ajuda inan aman buka osan susententa ekonomia uma laran nian’’ Dehan Arcenio.
Aktividade negósiu ne’ebé involve husi labarik sira nu’udar traballu infantil, laos akontese deit iha nivel munisípal, maibe akontese mos iha kapítal Dili.
Jornalista: SDC&Linda
Editór: Zem-Kasar
