Lospalos [RCL Vox Populy] – Hahu husi fulan Janeiru toó Dezembru tinan 2021, Diresaun Terras Propriedade [DTP] Munisípiu Laútem hatama reseita ba kofre estadu hamutuk dolares Amerikanu U$ 25.600.
Diretóra Terras Propriedade Munisípiu Laútem Regina De Jesus Ribeiro ba RCL iha nia knaar fatin Kuarta-feira [02022022] afirma, reseita hirak neé mai husi taxa rezidénsia no rai estadu neébe komunidade no Cinezas sira uza hodi halaó negósiu iha Munisípiu Laútem.
“Hanesan rezidénsia ho negósiu nian neé selu taxa la hanesan Hau hanesan fou deit katak iha tinan kotuk nian ne’e ho total Husi munisípiu Laútem hatama receitas Ba kofre estadu ne’e hamutuk Iha 25.600 $”. hatete Regina.
Komunidade sira neébe uza Rezidénsia Estadu nian ne’e kada fulan selu taxa $ 10 no ba acinezas sira nebe uza rai Estdu hodi hala’o negósiu hatama $80 tuir medida rai nian.
“Cinezas nebe uza rai estadu hodi halo negosiu ne’e selu taxa deoende ba Rai nebe sira utiliza, Ami halo avalisaun Ba medidas rai nebe maka Sira presija Balun iha $ 75 no balum iha $ 80 no mos ba Rezidensia nian la hanesan,Ami uza tabele normal be Sira ne’e $ 10 ba kada fulan,” nia haktuir.
Propriedade Estadu nian neébe komunidade no Cinezas sira uza ona iha Munisípiu Laútem hamutuk 200.
Jornalista:Ito
Editór: Zem-Kasar
