LOSPALOS RCL VOX POPULY= Servisu Municipal Saude Municipiu Lautem , Liu husi Equipa Pillar Hitu , sei implementa Programa Vasinasaun ba Labarik sira ho Idade Sanolu Resin Rua to`o Sanolu resin Hitu (12-17) ho Aimoruk Pifizer iha fulan Marsu Tinan ida ne’e.
Kordenador Pillar 7, Antonio Bernardino ba Jornalista RCL iha nia knar fatin Quarta Feira ne’e hatete, Kona-ba Programa Vaksinasaun Pifizer ida ne’e iha Nasional no iha MUnicipiu Balum La’o ona maibe iha Municipiu Lautem foin mak halo pedidu no aban mak foin submete ba nasional.
Nia dehan tan, Vaksinasaun Pifizer ida ne’e sei vaksina uluk lina Frente sira liu-liu ba Pessoal saude sira hafoin mak estudante sira ho idade 17 mai karaik tamba dadun ne’e pessoal saude sira sei foti hela dadus estudante sira nian iha kada eskola hodi halo pedidu ba Nasional.
Antonio ne’e akrecenta, tuir Pedidu ne’ebe nia halo ne’e, Total Aimoruk Pifizer ne’ebe atu vaksina uluk lina frente sira iha Municipiu Lautem hamutuk Atus Tolu sanolu resin haat Vials (314 Vials).
“Konaba vakisinasaun Pifizer kovid nian maibe momentu neba sira halo deit iha nasional ba estudante husi 12 ate menus husi 18 anos ne’e mak simu ona iha Municipiu Dili nian Foin lalais maka halao lansamentu vaksinasaun pifizer iha Likisa no sira termina ona, konaba Municipiu Lautem ita halo ona pedidu no aban hau submete ona, ami sei hala’o uluk vaksinasaun ba sira Front Line spesialmente ba Pessoal Saude sira konaba estudante sira nian agora dadauk hala’o ona Enumerasaun oins halo registrasaun naran iha kada eskola husi 12 anos ate 17 anos , atununee ita bele akumula dadus hirak ne’e hodi ida ne’e ita bele halo mikro planu husu pedidu ba nasional Vaksina Doze hira mak ita presija no mos ba material sira seluk , pedidu ne’be hahu halo ona ne’e ba lina frente deit ho total 314 vials maka ita presija ba Pessoal sira,” Hatete Antonio Bernardino ba Jornalista RCL iha nia knar fatin Quarta Feira 23/02/2022 ne’e.
Antonio ne’e mos informa, dadaun ne’e Purcentagen ba Vaksinasaun Astrazenaka iha Municipiu Lautem ba Faze Dahuluk atinge ona 81,41% no faze Daruak ne’e 67,48 %.
“ Total Municipiu ita iha ona ba Doze Primeriu 81,41 % ida ne’e mak hetan ona doze Primeiru no no Doze Segundu hanesan 67,48 % ne’ebe ita bele hatete katak Atingimentu ba Programa Vaksinasaun astrazenaka ba doze primeriu hamutuk 18,59 % maka seidauk simu no ba Doze segundu nian ne’e 32,52 % maka seidauk simu,” Nia Informa.
Equipa Pilar 7 ne`e Husu ba Estudantes sira husi idade 12 to’o 17 atu kopera nafatin ho pessoal saude sira hodi bele simu vaksinasaun Pifizer ida ne’e , tamba Vaksinasaun ida ne’e fo Vantagen ba Ita bo’ot sira nia moris liu-liu atu proteje mos labarik sira nia Saude husi moras kovid 19 ida ne’e.
Jornalista:ito
Editor:Nascimento Provincial
