LOSPALOS RCL VOXPOPULY = Municipiu Lautèm ho Potènsia bo`ot iha area Turizmu , nune`e Governu local sei kria kondisaun ba Setòr refere , tamba Setòr turizmu sei hatama resitas , hodi hasa`e rèndimentu economia iha Municipiu Lautèm .
Administrador Municipiu Lautèm , Domingos Xàviu ba Jornalista RCL iha nia Kna`ar fatin Quarta Feira 27/04/2022 ne`e hateten , Atu hasa`e Economia Municipiu Lautèm , Governu Local iha ona Planu atu Dezenvolve Setòr Turizmu nebe fahe ba parte 3 mak hanesan Turizmu Religioja , Rezistènsia no Cultura , bele Atrai Turista rai liur nian hodi mai Vizita , nune`e Lautèm bele hetan reseitas.
Autoridade Municipal ne`e mos hateten , Planu Dezenvolvimentu Setòr Turizmu bele realiza , wainhira Proposta nebe hatama ba Nasional Aprova , tamba Municipiu Lautèm hatama ona Proposta ba Nasional kompletu ho Dezenhu no Planu Orsamentu ga BOQ .
‘’ Atu hasa`e Economia ba Municipiu ne`e , ita sei kria kondisaun diak iha Setòr Turisticu nian , tamba liu husi setòr ne`e mak bele hatama Reseitas ba Municipiu Lautèm , Arà turizmu iha Municipiu Lautem nebe potènsia bo`ot mak , turizmu Religioja , turismu Cultura no turizmu Rezistènsia , wainhira ita Dezenvolve Parte 3 ne`e , Municipiu Lautèm sei hetan receitas barak hodi benefisia ba Povu no Nasaun , porizemplu ita iha Fatin Turizmu iha Com , Tutuala no fatin sira seluk ne`e , ita tengki kria kondisaun diak bazea ba lei , nune`e Turista sira Vizita fatin ne`e , bele fo Taxa maske ki`ik maibe iha nafatin kontinuasaun ‘’ Dehan Administrador Municipiu Lautèm , Domingus Xàviu ba Jornalista RCL iha nia Kna`ar fatin Quarta Feira 27/04/2022 ne`e.
Aman ba Municipiu Latèm ne`e mos afirma , Fatin Turizmu iha Tutuala iha ona Dezeñu hodi kria Pontu Entrada , nune`e Turista sira tengki selu Taxa antes tama iha area ne`e , nune`e Municipiu Lautèm mos bele iha reseitas rasik .
‘’ Fatin Turizmu iha Tutuala , ita komesa dezeña ona hodi Estabelese Pontu Entrada , nune`e kuandu turista sira Selu Taxa antes sira tama iha fatin ne`e , hanesan mos iha Tasi Ibun Com nian . Loron bain Le`et Turista sira Paseu iha ita nia fatin Turisticu sira laiha Reseitas , maibe ba oin ita iha ona hanoin ida atu Kria kondisaun iha area Turistiku sira , Turizmu Religioza Governu Local iha ona Planu atu Hari`i Estatua ida iha Foho Paica`u , tamba Area ida ne`e Atrai duni turista , Nune`e mos Turizmu Istòria Rezistensia iha Tutuala nebe sai Sentru Formasaun ba Rezistènsia nian hirak ne`e hotu , kuadu ita Dezenvolve diak , ita bele iha Reseitas rasik ‘’. Afirma Administrador Municipiu Lautem .
Atu Hetan Reseitas ba Municipiu Lautèm , la`os liu husi Setòr Turizmu de`it , maibe liu husi Mercadu , no Terminal sira , tamba ne`e Governu tengki Kria Kondisaun nebe adekuadu ba Arèa hirak ne`e .
Jornalista ; Sdc
Editor ; NP
