LOSPALOS RCL VOX POPULY=Polisia Nasional Timor Leste PNTL , Municipiu Lautèm Hala`o ona Preparasaun hodi Selebra Loron Santu Antoniu nebe nudar Mahein Polisia nian , nebe sei Monu iha loron Sanolu resin Tolu Fulan Juñu tinan rihun Rua , Rua nolu resin Rua (13/06/2022), tamba Loron ida ne`e nudar loron importante ba Polisia hodi hetan Matak Malirin .
Comandante Polisia Municipiu Lautèm Superintendente Polisia , Antoniu Regu Fernandez ba Jornalista RCL Iha nia Kna`ar fatin Quarta Feira 08/06/2022 ne`e informa , Santu Antoniu nudar Mahein ba Polisia nian , nune`e Parte Polisia tengki selebra kada tinan , nune`e bele Hetan Matak Malirin ,Forsa no Firmi hodi Servì Povu rai doben Timor leste .
‘’ Santu Antoniu nudar Mahein no Padrueiru PNTL Nian , kada tinan ami tengki selebra , no ba dada`un ne`e ami (PNTL) Municipiu Lautèm halo hela Preparasaun ba selebrasaun ida ne`e , tamba ho Santu Antoniu , Polisia bele Hetan Matak malirin , Forsa no Firme nafatin hodi Servì nia Povu tomak iha Liu husi Seguransa atu Povu bele moris iha Paz no Dame nia laran , por tanto dia 13 de junho segunda feira Oin mai.’’ Hateten Comandante Polisia Municipiu Lautèm Superintendente Polisia , Antoniu Regu Fernandez ba Jornalista RCL Iha nia Kna`ar fatin Quarta Feira 08/06/2022 ne`e
Comandante PNTL ne`e mos Informa , Actividade Preparasaun nebe dada`un ne`e la`o ona mak Rehabilita Jardim Padrueiru Santo Antoniu no Kapela nebe estabelese ona iha Komandu PNTL Municipiu Lautèm nian .
‘’Actividade Preparasaun nebe dada`un ne`e la`o ona mak Rehabilita Jardim Padrueiru Santo Antoniu no Kapela nebe estabelese ona iha Komandu PNTL Municipiu Lautèm nian, no Actividade nebe sei halo iha loron 13 de Juñu 2022 nemak , Misa Agradesimentu no Actividade Divertimentu sira seluk nebe ami Planeia ona.’’ Hateten Antoniu Regu Fernandez.
Entertanto: Komandu PNTL Municipiu Lautèm , kada tinan sempre Selebra Loron Padrueiru Santu Antoniu iha Komandu PNTL Municipiu nian , tamba Padrueiru Santu Antoniu nudar mahein ba Polisia nian.
Jornalista:SdC.
Editor:NP
