LOSPALOS RCL VOX POPULY=Administrador Postu Administrativu Lospalos ,Municipiu Lautèm Quarta Feira ne`e deklara , Arogansia no Egoismu sei la kontribui ba Prosesu Dezenvolvimentu ba Nasaun ida ne`e , maibe ita hotu tengki hamutuk , kopera no tane liman ba malu , hodi Dezenvolve rai ida ne`e ba oin , liu husi Programa Governu nebe Trasa ona.
Administrador Postu Lospalos Dinis dos Santus Batista ba Jornalista RCL iha nia Kna`ar fatin Quarta feira 15/06/2022 ne`e hateten tan , Nasaun Timor Leste nudar nasaun ida nebe Indepedente no soberanu , hanesan mòs nasaun sira seluk , tengki Konsiensia no maturidade diak hodi kontribui ba prosesu Dezenvolvimentu iha rai laran , Arogante no Egoismu sei la vale ba Nasaun ida nia laran .
‘’ Nasaun Timor Leste nudar nasaun ida nebe Indepedente no soberanu , hanesan mòs nasaun sira seluk ,ita iha Nasaun ida ne`e tengki hatudu Konsiensia no maturidade diak hodi kontribui ba prosesu Dezenvolvimentu iha rai laran , Arogante no Egoismu sei la vale ba Nasaun ida nia laran , nudar sidada`un iha nasaun ida ne`e , tengki la`o tuir regras no prosedimentu sira , nune`e Dezenvolvimentu rai Lospalos ho Sucu 8 bele la`o ho diak , ita hotu tengki kolabora no Partisipasaun diak hodi Dezenvolve rai ida ne`e ba oin hodi hatutan heroi no heroina sira mehi.’’ Administrador Postu Lospalos Dinis dos Santus Batista ba Jornalista RCL iha nia Kna`ar fatin Quarta feira 15/06/2022 ne`e.
Hanesan Administrador Postu Lospalos , Disnis dos Santos Batista apela dal aida tan ba Ema hotu , atu hamutuk foti desizaun koletiva ida hodi , asleira prosesu dezenvolvimento iha Rai Lospalos , Municipiu Lautèm,tamba ema ida sei labele la`o mesak .
‘’ Nudar Administrador Postu iha area Zuridiku Lospalos nian, hau apela ba ema hotu , liu-liu Matenek na`in sira , atu it abele hamutuk kontribui no kolabora ba malu , hodi foti desizaun koletiva ida , hodi Dezenvolve rai Lospalos ba oin , tamba rai Lospalos la`os ema ida nian , maibe ita hotu nian , nune`e husu dala ida tan atu bele hamutuk kontribui ba malu hodi alkansa Mehi Heroi no heroina sira nebe mate tamba liberta Nasaun ida ne`e , tamba ita hotu nebe moris nudar kontinuador sira nia luta hodi Luta ba Povu nia Moris diak’’.Apela nia.
Entretanto; Rai Lospalos , sei la`o ba oin la`os ema ida ga rua de`it , maibe presiza Kolabora , no tane liman ba malu , hodi foti desizaun kolectiva ida nebe diak , hodi kontribui ba rai Lospalos , iha Municipiu Lautè.
Jornalista:SdC
Editor:NP
