LOSPALOS RCL VOX POPULY=Fungsionariu Pùblicu Iha Municipiu Lautem Sexta Feira 15/07/2022 nee Selebra Loron Fungsaun Publica ba dala Walu , ho tema Hakbiit Servidores Estadu hodi asegura kualidade Servisu ba Publika Iha Ambitu Desentralizasaun Administrativo no Futuru Poder Local Iha Timor Leste .
Administrador Municipiu Lautèm , Dominggos Xàvio ba Jornalista sira iha Administrasaun Municipiu Lautèm hateten , Objètivu husi Selebrasaun Loron Fungsaun Pùblica iha Municipiu Lautèm ne`e mak , atu hasa`e Vontade Fungsionariu sira iha Lautèm , nune`e bele hala`o sira servisu ho diak .
Autòridade Màximu Municipiu Lautèm ne`e mòs hateten , liu husi Aniversariu Fungsaun Pùblica ne`e mòs , Servidòr Estadu iha Nivel Municipiu , bele kontinua hasa`e sira nia Vontade Servi , ba Povu no Nasaun ida ne`e .
‘’ Objètivu husi selebrasau loron Fungsaun Pùblica ida ne`e , hanesan atu hasa`e vontande fungsionariu sira , nune`e bele sai servidor Estadu nian iha nivèl Municipiu hodi bele hala`o sira nia servisu ho diak , , liu husi Aniversariu Fungsaun Pùblica ne`e mòs , Servidòr Estadu iha Nivel Municipiu , bele kontinua hasa`e sira nia Vontade Servi , ba Povu no Nasaun ida ne`e .’’ Dehan Administrador Municipiu Lautèm , Dominggos Xàvio ba Jornalista sira iha Administrasaun Municipiu Lautèm.
Administradòr Municipiu Lautèm ne`e mòs afirma , Serimonia Komemorasaun ida ne`e la`os fasilita husi Nasional , maibe ida ne`e hanesan inisiativa Fungsionariu Pùblicu sira iha Municipiu Lautèm liu husi Kontribuisaun rasik.
‘’ Serimonia Komemorasaun ida ne`e la`os fasilita husi Nasional , maibe ida ne`e hanesan inisiativa Fungsionàriu Pùblicu sira iha Municipiu Lautèm liu husi Kontribuisaun Osan , no Atìvidade Prinsipal mak hahu ho Misa Agradecimentu , Marça Saudavèl , no atividade Desportiva sira seluk , liu husi Atìvidade ida ne`e bele anima Fungsionàriu Pùblicu sira hotu iha Municipiu Lautèm , hodi bele kontente no haksolok , nune`e ba oin labele sente kole wainhira servi Estadu no Povu iha Nasaun ida ne`e ‘’. Informa nia
Entretantu; iha Serimonia Selebrasaun loron Fungsaun Pùblica iha Municipiu Lautem , alende Actividade Misa Agradecimen , Marça Saudavèl no Divertimentu sira seluk , Servisu Municipal Saùde mòs hala`o Vàsinasaun Booster ba Covid-19 no Ezaminasaun Ra`an ga Teste Tensaun , iha Aredòr Administrasaun Municpiu Lautèm.
Jornalista:ACI
Editor:NP
