Lospalos RCL VOXPOPULY = Maske Municipiu Lautèm iha Organizasaun Arte Marsial barak , maibe husi Tempu kolonial to`o agora laiha problema nebe mosu entre Arte Marsial , tamba Municipu Lautèm sei kesi metin ho Cultura.
Lia hirak ne`e hato`o husi Administrador Municipiu Lautèm , Domingos Xàvio ,wainhira ofisializa Organizasaun Arte Marsial Persaudaraan Setia hati Terate ga PSHT ba Sociedade Municipiu Lautèm Sexta feira 15/07/2022 ne`e iha Kampu Democrasia Lospalos Vila , Municipiu Lautèm .
Administrador Municipiu Lautèm ne`e mòs fiar katak , Organizasaun arte Marsial iha Municipiu lautèm mai ho doutrina nebe diak , hodi bele hanorin nia membru sira hodi hatudu ejemplu diak iha Comunidade , sociedade no ba Nasaun , no Hari`i Paz no estabilidade hodi kontribui ba prosesu Dezenvolvimentu Nasaun nian .
‘’ Nudar Autoridade ida iha Municipiu Lautèm fiar katak , Organizasaun Arte Marsial kontinua ho doutrina nebe diak , hanorin nia Membru sira hodi hatudu ezemplu diak iha Comunidade , Sociedade ,no ba Nasaun , Nune`e membru Arte Marsial sira hotu tengki hatudu duni Mentalidade nebe diak tuir Doutrina Arte marsial ida-idak nian , tamba iha hau nia observasaun katak , Maske Municipiu Lautèm iha Organizasaun Arte Marsial barak , maibe husi Tempu kolonial to`o agora laiha problema nebe mosu entre Arte Marsial , tamba Municipu Lautèm sei kesi metin ho Cultura , ne`e hatudu katak , Grupu Arte Marsial sira kontinua kria duni Unidade , Paz no estabilidae iha ita nia Municipiu .’’ hateten Administrador Municipiu Lautèm , Domingos Xàvio ,wainhira ofisializa Organizasaun Arte Marsial Persaudaraan Setia hati Terate ga PSHT ba Sociedade Municipiu Lautèm Sexta feira 15/07/2022 ne`e iha Kampu Democrasia Lospalos Vila , Municipiu Lautèm .
Secretàriu Jèral Ordanizasaun Arte Marsial PSHT Municipiu Lautèm , Frederico Xàmpaio mòs Kompromete , nia parte lori Strutura no membro PSHT Municipiu Lautèm husi deskulpa karik durante tinan barak nia laran , hamosu hahalok nebe la monu ba povu tomakk nia laran hodi perturba povu nia hakmatek iha moris lor-loron nian.
‘’Ohin loron Hau Nudar Secretariu Jèral Organizasaun Arte Marsial PSHT Municipiu Lautèm lorin Estrutura no Membro tomak , ho hara`ik A`an hato`o ami nia Deskulpa no husu imi hotu nia Perdaun , karik durante tinan barak nia laran , ami hamosu hahalok nebe la monu ba povu tomakk nia laran , hodi perturba povu nia hakmatek iha moris lor-loron nian , è hahu ohin ba oin ! Ami kompromete katak nudar imi nia alin , Oan no Bè oan ami hahu transforma ami nia hahalok A`at hotu , hodi respeita imi , servì imi no hakarak servisu hamutuk ho imi hodi kria Ambiente nebe nakonu ho Paz ho imi , hodi kontribui ba prosesu Dezenvolvimentu iha rai doben Timor Leste nebe ita hotu hadomi . Kompromete Nia.
Strutura Organizasaun Arte Marsial PSHT Municipiu Lautèm , apela ba Membru tomak atu hamutuk hodi Hakribi Pratica Violentu sira nebe la refleta Doutrina Organizasaun PSHT nian , hodi kontribui no partisipa Direita no indireita Prosesu Dezenvolvimentu Paiz ida ne`e.
JORNALISTA ; ACI
EDITOR ; NP
