LOSPALOS RCL VOX POPULY=Ensinu Bazicu Central , EBC Lautèm durante ne`e infrenta Problema kona ba Menus fasilidade Eskola nian , kona ba Meza no kadera , tamba Kadera no Meza ne`ebe Eskola iha kuaze ho kondisaun A`at .
Diretòr Adjuntu EBC Lautèm Frederico da Silva ba Jornalista RCL Iha EBC Lautèm Sexta feira ne`e Declara, Meza no kadera ne`e sai hanesan Problema Bo`ot ida ne`ebe Eskola refere Infrenta kuaze Tinan barak , no relata bebe`ik ba Ministeriu liu husi Servisu Municipal Edukasaun , maibe to`o agora sida`uk hetan Atensaun.
Diretòr Adjuntu ne`e mòs hateten tan , Problema meza no Kadera ne`ebe laiha , prezudika liu ba Prosesu Ensinu Apredizazem , tamba Alunus Sira dala barak hadau malu no Problema ihaAula laran tan de`it Meza no kadera ne`ebe laiha.
‘’ Ami agora Meza no kadera Problema ona , Unicu Meza no kadera de`it , kona ba Salas no Livru ne`e la`os kestaun bo`ot id aba ami , maibe Unico Meza no kadera , no problema ida ne`e dala barak ami relata ba Ministèriu liu husi , Servisu Municipal Edukasaun , Municipiu Lautèm nian , maibe to`o agora sida`uk iha atensaun , ne`e duni ami parte Eskola husu ba Ministèriu relevante atu bele hare`e Assuntu ida ne`e , tamba ida ne`e fo impaktu ne`ebe bo`ot ba Alunus sita nia prezensa diaria iha Eskola .’’ Dehan Diretòr Adjuntu EBC Lautèm Frederico da Silva ba Jornalista RCL Iha EBC Lautèm Sexta feira 30/09/2022.
Entretanto; Maske EBC Lautèm infrenta Problema , kona ba Falta Meza no Kadera , maibe Ensinu Aprendijajen kontinua la`o normal tuir Loron Efektividade , Eskola nian .
Jornalista:Sdc.
Editor:NP
