LOSPALOS RCL VOX POPULY=Laiha Pessa Tratòr fo Impaktu ba Prosesu fila rai iha Municipiu Lautèm , Tratòr ne`èbe hala`o operasaun iha Municipiu Lautèm la efektivu ,tamba Tratòr ne`ebe Municipiu iha tuan hotu , no laiha pessa hodi halo Manutensaun wainhira Avària iha prosesu operasaun.
Lia hirak ne`e hato`o husi Xèfe Departamentu , Agricultura , Horticultura no Estensaun Municipiu Lautèm , Manuel Madeira Xàvio ba Jornalista RCL Iha nia Kna`ar fatin Segunda fèira 03/10/2022 ne`e.
Nia mòs declara , Operasaun Tratòr iha Municipiu Lautèm la la`o ho Màximu , tamba Tratòr Avaria bebe`ik , wainhira hala`o operasaun fila agricultor sira nia to`os , susar atu bele atinji target ne`ebe planeadu , nune`e mòs prezudika liu ba produsaun .
‘’ Produsaun tinan tinan prezudikadu , tamba kondisaun Tratòr tuan ona , no Avaria bebèìk laiha Pessa Tratòr foun atu troka , dala barak akontese wainhira sei iha Prosesu Fila rai nian , maibe tratòr derepente Avaria , ne`e duni susar ba Operador sira atu atinji Targetu ne`ebe planeadu ona , tamba kondisaun Tratòr ne`ebe Municipiu Lautèm iha la favoravel , no Laiha fundu espesifiku ba Manutensaun nian , nune`e difikulta Operasaun Tratòr iha terrenu , nune`e Benefisiariu ga Agricultor sira barak mak la hetan oportunidade to`o udan monu rai.’’ Declara Xèfe Departamentu , Agricultura , Horticultura no Estensaun Municipiu Lautèm , Manuel Madeira Xàvio ba Jornalista RCL Iha nia Kna`ar fatin Segunda fèira 03/10/2022 ne`e.
Alende kondisaun Tratòr , Kombustivel ba Programa fila rai ho nia prosesu naruk , nune`e Agricultòr ne`ebe Kbi`it la`ek , la bele hetan oportunidade , wainhira laiha osan hodi bele atesta Mina ba Tratòr , hodi fila sira nia to`os .
‘’ Mina ba Programa fila rai mai nanis ona , maibe ho prosesu ne`ebe naruk , entaun ita Municipiu Lautèm , hamutuk ho Autoridade sira desidi hodi kria mata dalan , nune`e kada agricultor ne`ebe iha Kbi`it bele atesta mina rasik , tamba to`o ohin loron sida`uk hetan , Stok mina husi Nasional , maibe hau esforsu hela no mina ida ne`e sei to`o mai , maske Prosesu naruk , maibe ba ema ne`ebe laiha kbi`it maibe konsege Atesta ona Mina rasik , sei iha oportunidade hodi bele hetan Mina husi Nasional wainhira Mina ne`e to`o mai ona .’’ dehan nia.
Entretantu; Servisu Agricultura Horticultura no Estensaun Municipiu Lautèm , kontinua esforsu maibe Desijaun iha Nivel Nasional , maske laiha Pessa Tratòr ne`ebe foun , maibe Tecnicu sira kontinua buka maneira hodi bele solusiona maske ho Situasaun Emergensia .
Jornalista:SdC
Editor:NP
