LOSPALOS RCL VOX POPULY 07/10/2022 = Rejultadu Peskiza ne`ebe Yayasan HAK Timor Leste hamutuk ho Koligasaun Japaun mai Timor Leste halo husi Tinan Rihun Rua Lima ne`e , espera bele sai Livru Istòria fiksu Eskola sira , nune`e bele utiliza hodi Transforma hikas ba Estudante sira , kona ba Istòria Segunda Guerra Mundiàl kona ba Okupasaun Japones iha rai Timòr Portugis iha tinan rihun Ida Atus Sia Ha`at nolu resin Rua to`o rihun Ida atus Sia Ha`at nolu resin Lima (1942-1945) nian .
Diretòr Exècutivu Asosiasaun HAK Timor Leste , Xìstu dos Santos ba Jornalista RCL , hafoin Abertura Workshop kona ba Istòria Segunda Guerra Mundial iha Salaun Cultura Lospalos Municipiu Lautèm ,Sèxta Feira ne`e hateten , istòria Segundu Guerra Mundiàl kona ba Okupasaun Japones iha rai Timòr Portugis iha tinan rihun Ida Atus Sia Ha`at nolu resin Rua to`o rihun Ida atus Sia Ha`at nolu resin Lima (1942-1945) ne`e , to`o tempu agora sei haksumik , ne`e duni ho Workshop nebe hala`o loron ohin ne`e , bele hatene oinsa Prezensa Ivazor , liu-liu Tropa Japones invade Timor Portugis iha Tempu ne`eba , nune`e Manorin sira bele utiliza sai hanesan Istòria ba Estudante sira , nune`e labele lakon le`et .
Nia mòs hateten , liu husi workshop ida ne`e mòs , atu pulblika rejultado peskija kona ba invazaun no prezensa okupasaun Japones iha Timor postuges iha tempu Segundo gera mundil nian , ne`ebe konklui ona iha livro ho tema Luta Ba Lia Los No Justisa ba manorin sira atu bele uja hodi hanorin ba labarik sira .
‘’ ba oportunidfade nee ekipa Asosiasaun HAK ho Koligasaun Japaun mai Timor Leste realiza Workshop ba Manorin sira iha postu Administrativo lospalos ne`ebe pertense iha Municipiu Lautèm ho objetivo atu partilha no pulblika rejultado peskija kona ba Invazaun no prezensa okupasaun Japones iha Timor Postuges iha tempu Segunda Guerra Mundiàl , nian ne`ebe konklui ona iha livro ho tema Luta Ba Lia Los no Justisa ba manorin sira , atu bele uja hodi hanorin ba labarik sira , nune`e istòria ne`e bele tutan nafatin ba gersaun foun sira ‘’dehan Director excutivo ASosiasaun HAK Timor leste Xisto do santos ba jornalista RCL iha salaun centru kultura munisipio lautem sesta feira 07/10/2022
Xìsto dos Santos mòs hateten , durante Hak halo peskiza konaba invazaun no prezensa okupasaun Japanes iha Timor portuges iha tempu Segunda Guerra Mundiàl nian,ekipa HAK intervista ba Testamuña hamutuk na`in atus ida resin maibe Testamuña Na`in Rua nolu mak ho atèn brani hodi hateten nia istoria moruk tamba hirak ne`e sai Vitima ba tropa japanes sira .
‘’ita nia intervista nebe mak ita halo ho testamunha sira iha ema 80 ba 100 resin too besik 200 , maibe agora iha Ema nain 20 mak ho atembrani hateten hela sira nia estoria moruk , tamba sira mak sai atan no sai vitama ba tropa japans sira,katak loron inan feton sira tenki halo serviso iha Estrada no kalan sira tenki hein no atende tropa japanes sira durante tinan 3 nia laran hahu husi 1942-1945’’ hateten Xisto do santos
Enstertantu ; workshop ne`e realija ho diak tamba hetan apio husi Koligasaun Japaun ne`ebe mai Timor Leste , ne`ebe mòs uluk luta apio solidaridade ba luta Libertasaun Nasional iha Nasaun Timor Leste.
Jornalista ;Linda
Editor ; NP
