LOSPALOS RCL VOX POPULY= Diretòr Municipal Conservatòriu Registu Notariadu Municipiu Lautèm relata , ba dada`un ne`e iha ona Makina Produsaun Bilete identidade foun , ne`ebe fasilita husi Servisu Conservatòriu Registu Notariadu Nasional , Ministèriu Justica , hodi hafasil Produsaun Bilete Identidade ga BI ba Comunidade sira iha Municipiu Lautèm.
Ba Jornalista RCL iha nia Kna`ar fatin Segunda feira ne`e Diretòr Municipal Conservatòriu Registu Notariadu Municipiu Lautèm Amandiu Alves Gomèz hateten tàn , Makina foun ne`e bele fasilita ona hodi emprimi Bilete Identidade Original iha Municipiu Lautèm .
Nia mòs afirma , Makina ne`e fasilita husi Dirasaun Nasional Conservatòriu Registu Notariadu Ministèriu Justica , mai Municipiu ida ne`e hodi responde Preukupasaun Povu nian.
‘’Ita agradece ba Dirasaun Nasional Conservatòriu Registu Notariadu , Ministèriu Justica tamba bele oferese ona Makina Printer ida foun , hodi bele fasilita Sistema Produsaun Bilete Identidade Orginal , tamba durante tinan hirak nia laran , Servisu Municipal Conservatòriu Registu Notariadu Municipiu Lautèm sempre fasilita BI ba Comunidade Provijoriu , ne`e duni ho Makina foun ne`e , bele fasilita ita hodi Imprimi Bilete Identidade ga BI original , Makina ne`e fasilita husi Dirasaun Nasional Conservatòriu Registu Notariadu Ministèriu Justica , mai Municipiu ida ne`e hodi responde Preukupasaun Povu nian.’’Afirma Diretòr Municipal Conservatòriu Registu Notariadu Municipiu Lautèm Amandiu Alves Gomèz ba Jornalista RCL iha nia Kna`ar fatin Segunda feira 17/10/2022 ne`e.
Iha oportunidade ida ne`e , Diretòr husu ba Comunidade ne`ebe sei lori hela BI Provijoriu , atu bele ba Imprimi ona BI Original , tamba Makina Imprimi foun dada`un ne`e iha ona .
‘’Ho Makina ga Printer foun ne`ebe iha ona , ami husu ba Komunidade sira ne`ebe sei kaer hela BI Provijoriu bele halo ona BI Original iha Servisu Municipal Conservatòriu Registu Notariadu Municipiu Lautèm , tuir Orario ne`ebe iha ona.’’ Afirma nia.
Entretantu; Servisu Municipal conservatòriu Registu Notariadu Municipiu Lautèm , fahe ona Orario ba Tratamentu Bilete de Identidade ga BI , iha Municipiu Lautèm ho original , tamba Municipiu Lautèm iha ona Makina Printer foun hodi Imprimi BI Original .
Jornalista:Cheche
Editor:NP
