Postu Lorè Rcl Vox Populy 28/11/2022 =Atu Luta ba Povu nia moris Di`ak , Estadu tengki tau atensaun ba Problema Povu nian , ne`ebe durante ne`e Infrènta liu-liu Estrada , tamba Estrada Nudar Xàve Importante ba Dezenvolvimentu Economìa Povu no Nasaun nian .
Vetèranu ida iha Postu Lorè , Abilio Vila Rèal ba Jornalista RCL Segunda fei`ra ne`e iha Suco Lore Segundu hateten , Relasiona ho rai Lorè sai Ona Postu ida iha Municipiu Lautèm , Estadu tengki tau matan ba Dezenvolvimentu postu nian , liu – liu Estrada ne`ebe sai preukupasaun ba Povu Lorè , tamba husi Ukun A`an to`o agora , povu Lorè kontinua halerik ba Problema Estrada.
‘’ Ami Veteranu sira hare Tema ba Komemorasaun loron Proklamasaun Indepedensia ba dala 47 ba tinan ida ne`e , ami sente Orguilhu tamba dehan mai ita hamutuk kontinua luta ba Povu nia moris diak , ida ne`e parte ida halo ami Veteranu sira husu labele tau iha ibun de`it , maibe tengke Pràtika tamba problema barak mak povu sira infrenta liu-liu Estrada ne`ebe liga husi Kapital Municipiu Lautèm to`o iha Posto Lorè ho kondisaun Gràve , hodi difikulta movement Transporte iha tempu bailoron no tempu Udan , ne`eduni ami husu ba Estadu atu bele tau matan ba Problema Estrada , tamba ami konsidera ho Estrada Nudar Xàve Importante ba Dezenvolvimentu Economìa Povu no Nasaun nian, Ami nia Kondisaun Estrada ne`ebe nune`e nafatin ,dala barak ami hetan acidente , no rejulta Veteranu nia oan no nia Familia sira mate tamba Acidente kareta bakufila , tinan tuir-tuir malu ’’ Hateten Abilio Vila Real iha Suco Lorè Segundu , Posto Lorè , Municipiu Lautèm segunda 28/11/2022.
Iha fatin hanesan Eleminda Lemos hateten , Veterana no Veteranu ho Povu tomak iha Posto Lorè , la ejije buat barak ba Estadu , maibe ami ejije ba Estadu atu bele tau matan lala`is ba problema Estrada ne`ebe durante tinan barak povu infrenta , nune`e bele hafasil povu nia movimentu ba asesu Mercadu.
‘’ Ami Veteranu Vetèrana , Veterana hamutuk ho povu Tomak iha Ami nia Postu Lorè , ami la ejije buat barak ba estadu , maibe ami so ejiji ba Estadu atu bele tau matan ba ami nia Estrada , ne`ebe ami infrenta hahu husi Ukun A`an to`o agora , tamba ami konsidera ho kondisaun Estrada ne`ebe diak , ami povu mòs bele transporta ami nia produtu ba Fa`an iha Mercadu , hodi sustenta ami nia economia lor-loron nian , nune`e husu dal aida tan ba Estadu atu bele toma konsiderasaun ba ami nia ejijensia ida ne`e.’’ hateten Veterana Elimina Lemos.
Veterana Benedita Gomez hateten , Povu Lorè tomak nia hakarak mak estadu , tengke tau matan ba Kondisaun Estrada ne`ebe durante tinan barak Grave , difikulta Transporte sira atu halo movimentasaun husi Postu Lorè , ba Kapital Municipiu Lautèm , no prejudika ba sira nia Produtu , labele asesu iha Mercadu.
‘’ Ami Veterana no Veteranu sira nia Hakarak ne`e , Estadu tengkè hare ami nia Kondisaun Estrada ne`ebe A`at ba bebe`ik , hodi prejudika ami nia movimentu , oinsa ami atu ba fa`an ami nia produtu sira ne`ebe ami iha , wainhira tranporte sira labele transporta ami nia sasan sira ne`e ba Mercado , nune`e ami husu ba Estadu atu bele tau atensaun ba ami nia Estrada , hodi hafasil ami nia movimentu ba no mai.’’ Hateten Veterana Benedita.
Entretanto; ho kondisaun Estrada ne`ebe Grave husi ukun A`an to`o agora , hamosu acidente kareta bakufila , rejulta ema nain 7 Mate , no hakarak informa mòs katak Produtu ne`ebe Postu Lorè iha mak hanesan , Nu`u , Ikan , Batar no Produtu Agricola sira seluk ne`e susar tama iha Mercado tamba Kondisaun Estrada hodi prezudika ba Movimento Transporte ba Area refere ho diak.
Jornalista:Aci
Editor:NP
