LOSPALOS RCL VOX POPULY 07/02/2023 = Ensinu Secundaria Geral Lere Anan Timor (ESG LAT) Lospalos Husu ba Comunidade sira atu Kopera ho Parte Eskola , hodi bele tau matan ba Ambiente Eskola nian , nune`e bele fò Anin Fresku ba Alunus sira wainhira Partisipa iha Ensinu Aprendijajen iha Eskola.
Diretòr Ensinu Secundària Geràl Lere Anan Timor Lospalos , Celestino Soares ba Jornalista RCL iha nia Kna`ar fatin Tersa feira ne`e hateten , durante ne`e Comunidade sira sida`uk iha Konsiensia hodi kontinua husik Animal haki`ak hanesan Bibi no Karau sira iha aredor Eskola nian hodi hafo`er Ambiente Eskola nian .
Relasiona ho ida ne`e , Parte Eskola husu ba Comunidade sira , atu toma konsiderasaun hodi bele tau matan ba Animal haki`ak sira , hodi labele husik iha aredor eskola no hafo`er Ambiente eskola , nune`e ambiente Eskola bele mòs no saudavel hodi fò anin fresku ba Alunu sira ne`ebe Eskola .
‘’Nùdar Diretòr Eskola nian , hau husu ba Comunidade sira atu tau Kompriensaun diak , hodi kopera ho parte eskola hodi Kesi Animal sira , no kontribui hodi Protèze Ambiente Eskola , tamba durante ne`e , Alunus sira tama sempre hamòs Animal sira nia Fo`er hafoin tama Eskola , nune`e dala ida tan ho hara`ik A`an hau husu ba Comunidade sira , atu kesi animal sira atu labele la`o livre iha aredor eskola , no ida ne`e meios Koperasaun ida Ambiente Eskola nia Mòs no saudavel , nune`e Alunus sira tama eskola mòs seguru no bele hado`ok an husi Moras , tamba animal nia fo`er sira ne`e sei hamosu Moras ba Alunu sira ne`ebe ita hotu konsidera hanesan ita nia , alin , Oan no beoan sira hotu.’’ Hateten Diretòr Ensinu Secundària Geràl Lere Anan Timor Lospalos , Celestino Soares ba Jornalista RCL iha nia Kna`ar fatin Tersa 07/02/2023.
Entretanto; Ambiente Eskola , la`os fatin ba Animal sira , maibe Centro Aprendijajèn ida ne`ebe Estado estabelese iha ita le`et , hodi fasilita Oan sira buka no hetan matenek , hodi kontribui ba Povu iha Nasaun ida ne`e iha futuru.
Jornalista ; Zio
Editor ; NP
