LOSPALOS RCL VOX POPULY 09-02-2023 = Relasiona ho Sistema gestaun ba implementasan Programa Merenda Eskolar Foun , Diretòr husi kada Ensinu Bàzicu Central hamutuk ho Gabinete Apoio Tècnicu ga GAT , partisipa iha Formasaun kona ba Oinsa gere Orsamentu Programa Merenda Eskolar iha Municipiu Lautèm hodi bele tuir duni ba mata dalan iha .
Formasaun ida ne`e , Organija husi Servisu Municipal Edukasaun Juventude no Desportu , iha Salaun Edukasaun Municipiu Lautèm , sei hala`o Durante loron Rua , hahu husi Quinta feira – no sei remata iha Sexta feira ne`e .
Xèfe Planeamentu Programa Merenda Escolar Munisipio Lautèm Reinaldo Juvinal da Costa ba Jornalista RCL hateten , Objetivu husi formasaun ba kada directur EBC no Ekipa jestaun programa sira ne’e , atu informa Lala`ok Implementasaun programa ba tinan ida ne`e , tamba Programa ne`e rasik Aplika ona Sistema foun , ne`e duni ho Formasaun ida ne`e bele fo koñesimento ne`ebe diak , atu sira bele Ejekuta Orsamento ho diak , tuir mata dalan ne`ebe iha.
‘’Objectivo ba formasaun Programa Merenda escolar ba Diretòr husi kada EBC no Ekipa Jestaun programa sira ne’e importante tebes , atu bele Informa Lala`ok Implementasaun programa merenda escolar,tamba tinan ida ne’e nia Sistema foun no osan ba labarik sira mos aumenta hodi ida ne’e , Ami Servisu Municipal Edukasaun , liu husi Planiamento Programa merenda Eskolar konvida sira , atu mai Partisipa Formasaun Antes Implementa Programa , nune`e sira rasik bele Implementa hodi ejèkuta no gere Orsamento no halo relatòrio ho diak tuir mata dalan ne`ebe Ministèriu Edukasaun hatùn , no Formasaun ida ne`e sei la`o durante loron 2 , hahu husi Quinta- Sexta Feira 09-10 – 02-2023 .dehan Xèfe Planeamentu Programa Merenda Escolar Munisipio Lautèm Reinaldo Juvinal da Costa ba Jornalista RCL Quinta 09/02/2023.
Iha fatin hanesan Diretòr Ensinu Bazico Central Laiku Lospalos , Mariano da Costa sente katak Formasaun ida ne`e Importante tebes , tamba liu husi Formasaun ne`e mak , sir abele hatene no Ejekuta Programa Merenda Eskolar tuir Mata dalan ne`ebe foun , tamba tinan ida ne`e Programa ida ne`e , aplika ona Matadalan foun .
‘’Hau sente Formasaun ida ne`e Importante ba Ami Diretòr Eskola no Equipa Jestaun foun sira , nune`e ami bele iha koñesimentu ne`ebe di`ak , antes Implementa Programa Merenda Eskolar iha Ami nia Eskola no ami nia Filial sira , tamba tinan ida ne`e Governo liu husi Minstèrio Edukasaun aplika ona Sistema foun , liu-liu Mata dalan sira , no Formasaun ida ne`e , bele ajuda ami hodi bele ejekuta Programa tuir duni Mata dalan foun ida ne`e , nune`e labele prejudika ba ami nia relatòriu ejekusaun iha futuru.’’ Dehan Mariano
Allende ida ne’e coordenador Ekipa Jestaun programa merenda escolar Alarico Lopes Da costa mos hateten, Mata dalan Programa ba tinan ida ne`e , tamba Orsamento Programa Gere Direitamente husi Equipa Gestaun , ne`ebe la involve Parte Eskola nian , nune`e ami presija hetan Koñesimentu ne`ebe nato`on antes sira implementa programa iha kada Eskola .
‘’Hau tuir formasaun ba programa merenda escolar ne’e hau sente kontente tamba ida ne’e informasaun nebe foun ba hau atu bele implementa iha kada escolar,tamba orsamentu ida ne’e ekipa mak gere no hola hahan nebe iha nutrisaun no ekipa mos tenke halo nia relatorio ba iha munisipio atu bele gere orsamentu ho diak liu. Dehan Alarico Lopes da Costa
Entertantu:husu nafatin ba kujineri sira ne`ebe mak responsabilija ba programa merenda escolar atu bele tuir duni kriteria ne`ebe mak iha ona , no tenke tein hahan ne`ebe iha nutrisaun atu nune`e alunus sira bele konsumu ho diak.
Jornalista;sisi
Editor:NP
