Lorè RCL VOX POPULY 16/02/2023 = Ponte ida ne`ebe Localija iha Arèa Hùmina Aldeia Horolata , ne`ebe Liga ba Tahi txàlu Lorè , Postu Administràtivu Lorè , fo Ameasa Bo`ot ba Movimento Transporte , tamba ho kondisaun Grave no sei Kotu iha tempu badak nia laran , wainhira laiha atensaun husi Governo.
Ba Jornalista RCL Emilio da Graça iha Aldeia Horolata , Suco Lorè Primeiru Postu Administràtivu Lorè , Municipiu Lautèm Quarta feira ne`e hateten , Ponte ida ne`e Konstrui iha tempu Indonesia no ho kondisaun A`at , no Komunidade sira ho insiativa rasik , halo renovasaun ho Ai , maibe ba dada`un ne`e kondisaun A`at fila fali ,nune`e husu ba Estadu Atu bele tau matan ba Ponte refere.
‘’Ponte ida ne`e Konstrui iha tempu Indonesia no ho kondisaun A`at , no Komunidade sira ho insiativa rasik , halo renovasaun ho Ai , maibe ba dada`un ne`e kondisaun A`at fila fali ,nune`e husu ba Estadu Atu bele tau matan ba Ponte refere imediata , tamba Ponte ida ne`e mak Alternativu ida Comunidade iha Area refere hodi bele asesu Transporte , no ba dada`un ne`e Ponte refere ho kondisaun A`at , hodi fò Ameasa ba Movimento Transporte iha Area ida ne`e .’’ Dehan Emilio dà Graça iha Aldeia Horolata , Suco Lorè Primeiru Postu Administràtivu Lorè , Municipiu Lautèm Tersa 14/02/2022
Husi Sorin seluk Komunidade Aldeia Vailana , Suco Lorè Primeiro , Luis Pinto husu ba Estadu , atu bele tau atensaun Imediata ba Ponte Ida ne`e , tamba Ponte refere A`at Kleur ona , no Komunidade sira Organiza malu hodi halo hikas Ponte ida ne`e ho Ai , hodi fasilita Comunidade Sira hodi asesu Transporte ba Vila Lospalos ,
‘’ Hau sente Triste lòs Wainhira hare Ponte ida ne`e Nakfera hodi fò Ameasa ba Movimento Transporte , tamba Ponte refere A`at Kleur ona , no Komunidade sira Organiza malu halo hikas Ponte ida ne`e ho Ai , hodi fasilita Comunidade Sira asesu Transporte ba Vila Lospalos . Ponte ne`e Nakfera no Ameasa ba Movimento Transporte iha Area refere , tamba foin lala`is Kareta bo`ot tula Sasan Cesta Bazica ba Area refere , nune`e Simente ne`ebe Satan Ai sira ne`e Nakfera no monu tùn ona ba be laran , nune`e Ami husu ba Estadu , atu bele tau matan imediata , tamba selae , sei prejudika Aktividade Komunidade no Estadu nian iha Area refere.’’ Hateten Luis.
Alende ne`e Julieta dos Santos hateten , nia parte sente ta`uk ho kondisaun Ponte ne`ebe hahu Grave hodi fo Ameasa ba Transporte Pùblicu ne`ebe durante ne`e hala`o Movimentu , nune`e sei prejudika Povu sira ne`ebe sirkula iha area refere.
‘’ Ami sente ta`uk wainhira ami sa`e Transporte Pùblicu liu iha Ponte ne`e nia leten , tamba fò ameasa bo`ot baa mi pasajeiru sira , nune`e kuandu ami sa`e kareta , to`o iha fatin refere , ami tenki tun hodi la`o hakat ponte ida ne`e , hafoin kareta liu ma kami sa`e hikas fali , tuir hau nia hanoin se nune`e nafatin sei impede mòs Serimonia Kultura Koileta Metxi (Ular tasi) iha Marsu tinan ida ne`e , Ponte ne`e sei tohar wainhira kareta barak mak liu , nune`e ami husu ba Estadu atu buka meios hodi bele rejolve Problema ida ne`e .’’ teni Julieta
Entretanto; Ponte ho medida metro Tolu Vezes Sanolu resin Rua (3×12 M) ne`e Konstrui iha tempu Indonesia , maibe A`at ona , no komunidade inisiativa bolu malu hodi re-konstrui hikas ho Ai , maibe dada`un ne`e kondisaun Grave no sei A`at total iha tempu badak nia laran , wainhira laiha atensaun .
Jornalista ; Zio
Editor ; NP
