MUAPITINE RCL VOX POPULY 23-02-2023 = Durante ne’e comunidade Suco Muapitine , Posto Administrativu Lospalos , Municipiu Lautèm , sente triste ho Konstrusaun Ponte Farapata , ne`ebe liga husi Vila Lospalos ba , Suco refere to`o agora sida`uk remata , hodi prejudika ba Movimento Transporte iha Tempu Udan .
Reprejentante Comunidade husi Aldeia Lopuloho , Suco Muapitine Frèderico Gonçalvel ba Jornalista RCL Quinta feira ne`e hateten , Wainhira tempu udan Comunidade iha Suco refere susar atu asesu Mercado , maske iha ona dalan alternativu maibe kontinua Prejudika movimento Transporte tamba kondisaun dalan Alternativa ne`e Namdoras halo motor no kareta labele liu .
Frederico mos Hateten tàn , sira sente triste tebes tamba durante ne’e Ponte Farapata ne`ebe sida`uk remata , Dificulta Comunidade sira nia viagem mai capital vila Lospalos , hodi fa`an sira nia Produtu Local mai faan iha Mercadu , nune`e mòs ema Moras mòs susar Asesu Centro Sa`ude wainhira Tempu udan mai.
,,Ami nudar Comunidade Sente Triste tebes , tamba Konstrusaun Ponte Farapata ne`ebe durante ne’e sida`uk remata , nune`e prejudika ba ami Comunidade Suco Muapitine , tamba fo amiansa mos ba ami atu transporta Ami Nia produtu Local ba Mercadu hodi fa`an mos labele , pior liu mak atu transporta Ema Moras Grave ga Inan isin Rua sira hodi hetan asistensia Sa`ude mòs Susar tebes , nune`e ami nudar Comunidade husu ba Parte Governu Local , liu-liu Parte ne`ebe kompetente atu tau matan no alerta Imediata Kompañia ne`ebe responsabilija ba Konstrusaun Ponte ida ne`e , atu halo ho lala`is , nune`e labele prejudika ba Ami nia Movimento Transporte husi Suco Mai Vila Lospalos .’’ Hateten , Reprejentante Comunidade Suco Munapitini Posto Administrativo Lospalos Municipiu Lautem , Frederico Consalves ba Jornalista RCL Quinta 23-02-2023
Husi Sorin Seluk , Francisco Fernandez husu ba Governo , liu-liu ba Kontratòr sira ne`ebe halo Obra ne`e , atu asleira Konstrusaun Ponte ida ne`e , nune`e Movimento Transporte bele la`o diak , iha tempu Udan no Bailoron.
‘’ Hau Nudar Comunidade , ne`ebe mòs Agricultor ida hau husu ba Parte Governo , liu-liu ba Kontratòr sira ne`ebe halo Obra ne`e , atu asleira Konstrusaun Ponte ida ne`e , nune`e Movimento Transporte bele la`o diak , iha tempu Udan no Bailoron , tamba dalan Alternativa ne`ebe Kompañia halo ne`e , ho kondisaun tahu no namdoras , wainhira tempu Udan , tamba ami nùdar to`os na`in presija transporta ami nia Produtu Local ne`ebe ami Prodùs ba iha Mercado hodi fa`an Sustenta familia nia Nececidade lor-loron nian.’’ Hateten Franscisco.
Hatàn ba Problema ida ne`e , Diretòr Kompañia Vivasius Unipessoal Lda Luis Adino Cristovão , hateten , nia parte Konsidera Direito Comunidade atu tau kestaun kona ba asuntu ida ne`e , maibe husu ba Komunidade sira atu pasesnsia hodi hein , tamba Parte Kompañia sei Esforsu hodi Responsabilija Obra ida ne`e to`o remata .
‘’Ami Kompañia Vivasius Unipessoal Lda , hatene no konsidera katak Ponte ne`e fo impaktu bo`ot ba Comunidade sira Movimentasaun , ne`eduni ami husu ba Comunidade sira atu tau pasensia , tamba , Konstrusaun Ponte la`os hanesan Fui Estrada ne`ebe ami atu halo lala`is , tamba ami kompañia mòs esforsu hodi hatudu kualidade ami nia Obra ne`e , hodi bele dura ho tempu naruk , Nudar Kompañia na`in ami husu deskulpa karik ami nia Obra ba konstrusaun Ponte ida ne`e tarde , maibe iha parte seluk ami mòs infrenta hela problema kona ba Mudansa klimaticu , liu-liu Udan bo`ot halo ami nia Servisu mòs ladun la`o efektivu , ho nune`e hau husu ba Comunidade no lidere Komunitàriu iha Suco Muapitine , tamba ami sei tau Importansia ba Konstrusaun ida ne`e hodi bele fasilita Movimento Transporte ho diak liu tan , ho problema ida ne`e mòs ami tenta loke dalan alternativa ba Transporte Pùblicu sira , maibe tamba Udan bo`ot dala ruma Tahu barak no Namdoras no susar ba Transporte sira atu asesu ho màximu . Ami mòs garante katak konstrusaun Ponte ida ne`e sei finalija iha fulan oin , tamba dada`un ne`e ami nia servisu kontinua la`o , hodi fo importansia ba Ponte ida ne`e , nune`e ami hara`ik A`an husu ba Comunidade sira atu pasensia hodi hein rejultadu finalijasaun Konstrusaun Ponte ida ne`e .’’ hateten Diretòr Kompañia Vivasius Unipessoal Lda Luis Adino Cristovão .
Entertantu: Ponte Farapata ne`e ho medida Metru Sia ho balun ne`e , konstrui husi Komapañia Vivasius Unipessoal Lda no hahu konstrui iha Fulan Outubro rihun Rua , Rua nolu resin Rua , no Espera katak , Fin de Marsu Kompañia bele finalija sira nia Obra ho Kualidade , odi fasilita ba Transporte Pùblicu atu bele asesu ho diak.
Jornalista:Sisi
Editor:NP
