Lospalos RCL VOXPOPULY 04-04-2023 = Relasiona ho Despaixu Banku Nasional Comersiu Timor Leste (BNCTL) nian katak , Pagamento Subsidiu Idojus , Benefisiariu sira tengki Submete Kartaun Bilete de Identidade , nune`e Servisu Konservatoriu Rejisto Notariadu Municipiu Lautèm , hahu Implementa Programa Registo Movel ba ferik katuas sira ne`ebe atu trata sira nia Bilete Identidade ga BI .
Diretòr Servisu Konservatorio rejisto notariado Municipio lautèm Amandio Alves Gomes ne’ebe jornalista RCL hasoru iha nia serviso fatin Tersa feira ne`e hateten , programa Rejisto movel ne’ebe halao ne`e , atu Ajuda Idozus sira ne`ebe ho kondisaun Sa`ude la Permiti atu trata sira nia Kartaun Bilete Identidade ka BI , tamba iha fulan Junho tinan rihun Rua Rua nolu resin Tolu ne’e BNCTL aplika Propoin ona ba Idojus sira atu hatudu Kartaun BI wainhira simu Subsidiu Idojus nian .
‘’Rejisto Movel ne’ebe mak durante ne’e Eskritorio Rejisto Notariado Municipio lautèm halao ne’e Espesifiko liu ba iha ita nia Inan –Aman sira ne’ebe hetan moras no susar atu la’o , tamba ne’e ami sira ne’ebe serviso Eskritorio Rejisto Notariado Municipio lautèm tenki ajuda sira , atu oinsa bele asesu sertidaun RDTL no kartaun BI Nian. tamba iha ona informasaun husi BNCTL katak iha 1/06/2023 ne’e, BNCTL sei aplika ona ,wainhira ferik no katuas sira nebe simu osan idojos nian tenki aprenjeta Bilete de Identidade mak foin simu osan Idojos nian ‘’. Dehan Director Eskritorio rejisto notariado Municipio lautèm Amandio Alves Gomes ba jornalista RCL iha nia serviso fatin Tersa- feira 04/04/2023
Amandio Alves Gomes mos hateten , programa rejisto Movel ba suku no Aldeia ne’e ,hahu loron Ha`at kada semana Kompostu husi Loron Segunda ,Tersa, Quinta no Sesta feira , maibe Depende ba pedido husi kada Xefi suku .
‘’ Hau hakarak hateten de`it katak , Implementasaun Programa Rejisto Movel iha Suco no Aldeia ne`e depende ba Pedidu husi Lider Komunitàriu sira , tamba Programa ida ne`e sei la`o durante loron 4 kada semana , hahu husi husi Loron Segunda ,Tersa, Quinta no Sesta feira , no programa ida ne`e somente fasilita ferik no katuas sira ne`ebe sida`uk bele trata sira nia document BI no Sertidaun Moris RDTL tamba ho kondisaun Sa`ude ne`ebe la permite’’.hateten Amadio Alves Gomes
Entertantu : Implementasaun Programa Rejisto movel ne`e hahu ona iha Julho 2022 , no Programa ida ne`e fò Importansia ba ferik no kataus no Ema ho Defisiente sira iha Suco no Aldeia , nune`e sira bele hetan Documentos Legal husi Governo nian .
Jornalista ; Lina
Editor ; NP
