Pehefitu , Muapitine RCL VOX POPULY 17-04-2023 = Komisaun Politika Nasional Frente Revolusionàrio Timor Leste Indepdente Fretilin , lidera husi Secretàriu Geral Fretilin , Mari`i Amude Bin Alkatiri Segunda feira ne`e , hala`o Konsolidasaun hodi hametin Srutura Baze iha Aldeia Pehefitu , Suco Muapitine , Postu Administrativu Lospalos , Municipiu Lautèm , antes tama ba Elisaun Parlamentar rihun Rua nolu resin Tolu (ELPAR 2023)
Secretàriu Geral Partidu Fretilin , Mari`i Amude Bin Alkatiri liu husi Konsolidasaun ne`e hateten , Wainhira Fretilin Ukun iha Tinan Lima oin mai , Sei nani iha Povu nia Le`et , dada Povu husi Kiak no Mukit no Lori Povu ba Naroman , Nune`e Programa Partidu Fretilin dahuluk mak hadia Estadu de Direitu Democràticu , no Buka Orgão Soberanu Ha`at hanesan Presidente , Parlamentu , Governu no Tribunal hodi hamutuk solidaridade .
Nia hatutan , Estadu de Direitu Democràticu iha nia Kultura no Vida rasik hanesan Instituisaun , nune`e ema hotu tengki Aprende , hahu husi Lideransa Màximu , nune`e Partidu Fretilin tengki buka atu Hadia .
‘’ Nasaun Timor Leste uja sistèma Presidensialista ho Orgão Soberanu 4 mak hanesan , Prezidente , Parlamentu , Governu no Tribunal , nune`e wainhira Partidu Fretilin sei ukun , Promete sei hadia uluk Estadu de Direitu Democràticu , no Orgão Soberanu 4 ne`e tengki kòpera malu ho Solidaridade , Estadu de Direitu Democràticu iha nia Kultura no Vida rasik hanesan Instituisaun , nune`e ema hotu tengki Aprende , hahu husi Lideransa Màximu , nune`e Partidu Fretilin tengki buka atu Hadia , tamba ne`e Wainhira Fretilin hetan fiar husi Povu liu husi Elisaun Parlamentar sei loke àn ba Parseiru sira seluk hodi hadia prosesu de Boa Governasaun , hodi kontinua Sacrifisiu Heroi sira ne`ebe fò nia Àn ba mate , atu ita Hakàt Dominasaun ida ba manan Libertasaun nune`e ita tengki iha Governu ida ne`ebe bele hasai Povu husi Ki`ak no Mukit , Governu ida tengki hakribi Korupsaun no hatudu transparansia , Wainhira Povu fo Fiar ba Partidu Fretilin atu kaer Governu , sei tùn mai aprende nani iha Komunidade nia le`et , hodi buka hatene situasaun Povu nian , hodi Lori Povu ba Naroman ida ne`e mak ita hatudu Boa Governasaun.‘’ Mari`i hateten lia ne`e liu husi konsolidasaun Partidu no hametin Strutura Baje iha Aldeia Pehefitu , Suco Muapitine Postu Lospalos , Municipiu Lautèm Segunda 17/04/2023.
Lideransa Partidu Fretilin ne`e mòs afirma , ema hotu tengki aprende Fratèrnidade Ùmanu , tantu Organijasaun no ita hotu tengki Hadomi no tanè malu , no rezeita Violensia ho ida ne`e ema hotu bele hatudu Fràternidade Ùmana , no hakarak mòs Funsionamentu Justiça iha Komunidade nia Le`et , la`os deit Justiça Tribunal maibe Justiça Ekònomia no Justiça Politika hodi Timor Leste bele nakonu ho Solidaridade , Fràternidade Ùmana no Buras ba Justiça.
‘’Ita Mòs tengki Aprende ba oin , Fràternidade Ùmana Signifika ita hotu , Organijasaun Sa`ida de`it , ita hotu Maromak nia oan , ita tengki hadomi no dame malu , Fràternidade Ùmana , tengki Rejeita Violensia , Seluk fali ! Ita hotu hakarak Sosiedade ida ne`ebe Justiça Fungsiona , Justiça La`os Tribunal de`it , maibe Justiça Ekònomia no Justiça Politika , ne`e signifika atu aban bainrua ita hakkarak hare Timor Leste ida Nakonu ho solidaridade no Fràternidade Ùmana no Buras ba Justiça , ne`e maka ita hakarak ba ita nia rai , tamba ne`e ita dehan tengki hamosu Unidade ba Progresu tuir doutrina Partidu Fretilin uluk no to`o agora nian.’’ Alkatiri Afirma
Entretanto; Antes realija Konsolidasaun , Lideransa Partidu Fretilin ho Membro Comite Central Fretilin (CCF) hala`o Vizita no kari Aifunan iha Monumento Masacre Muapitine 1983 , hodi fò Òmenagen ba Heroi Pàtria sira ne`ebe Sacrifika Àn ba Mate hodi Liberta rai Doben Timor Leste.
Jornalista ; Ever
Editor ; NP
