LOSPALOS RCL VOX POPULY 27-04-2023 = Polisia Nasional Timor Leste Munisipiu Lautem , hamutuk ho Autoridade Lokal iha Munisipiu Lautèm Quinta Feira ne’e , ofisialija no fò pose ba Membru Konselu Polisiamentu Komunitaria (KPK) Suco Bauro , Postu Administrativu Lospalos , Munisipiu Lautèm, Fo pose ba Membro Konselu Polisianento Komunitario Suco Bauro, Posto Administrativu Lospalos Municipiu Lautem , iha Sede Aldeia Bauro.
Membro KPK Suco Bauro hamutuk Ema nain 25 kompostu husi , Veteranu,Strutura Suco no Juventude Suco Bauro , nee prontu ona Atu hametin Seguransa hodi Prevene Crime Iha Nivel Suco ho Voluntariamente.
Xefe Suco Bauro , ne`ebe mòs Prejidente KPK Suco Bauro Sidalio Freitas Liu husi serimonia tomada de Posse ne`e hateten, Nia parte orguilo ho Estabelesimento KPK Iha Suco Bauro , nune`e , bele Servisu hamutuk ho Parte Polisia , Prevene Problema oin oin ne’ebe Akontese Iha Nivel Suco , hodi Kontribui ba Pàs no Estabilidade Iha Suco , Posto , Munisipiu Liu Liu Iha Nasaun Timor Leste.
‘’ Hau sente Orguilho ho Ajudasaun PNTL Iha Suco Bauro , tamba liu husi sira nia Esforsu durante loron 2 ho Formasaun iha Suco ida ne`e , ikus mai bele estabelese Strutura Konselu Polisiamentu Komunitàriu , no ohin loron bele ofisializa no hetan posse , portantu nùdar Prejidente KPK Suco Bauro nian , lori Equipa KPK no Comunidade tomak hato`o agredese Porfunda ba Komando PNTL ne`ebe , durante loron 2 fasilita treinamento espesifiku ba kona ba Kna`ar no responsabilidade KPK nian , no loron ohin Strutura KPK bele estabelesidu no hetan posse , ne`eduni ami Strutura KPK Suco Bauro nian ne`ebe hetan ona posse , bele hala`o ami nia kna`ar nudar Membru KPK , tamba koalia kona ba seguransa hanesan ita hotu nia responsabilidade tomak , tamba ne`e maka ami nudar sidadaun no autoridade iha responsabilidade bo`ot hodi kopera ho autoridade Seguransa ho Voluntariamente , tamba serviu Dignu liu iha Mundu mak Servisu ho Voluntariu hodi bele kontribui ba Pàs no Estabilidade iha nivel Aldeia , Suco , Postu no ba Munisipiu liu-liu ba Nasaun nia laran tomak.’’ Xefe Suco Bauro , ne`ebe mòs Prejidente KPK Suco Bauro Sidalio Freitas iha serimonia tomada de Posse strutura KPK Suco Bauro iha sede Aldeia Bauro Quinta 27/04/2023.
Iha Fatin hanesan , Reprejentante Conselu Combatentes Libertasaun Nasional CCLN Munisipiu Lautem, Otavio da Concencao, hateten , Strutura KPK , tengki hatudu Espiritu Voluntario Servisu ho Indepedente hodi Servisu hamutuk ho Parte Polisia hodi Prevene Problema iha Suco Laran hodi Kontribui ba Pàs no Estabilidade.
‘’Husu ba hau nia Maun no Alin sira ne`ebe Envolve iha Strutura KPK Suco Bauro nian , atu bele tenkiser hatudu Espiritu Servisu Indepedente hoVoluntariamente , hodi rejolve problema ne`ebe mak iha ho honestu hodi labele tau ema ida kotuk , kontinua Servisu hamutuk ho Parte Polisia Prevene Problema iha Suco Laran hodi Kontribui ba Pàs no Estabilidade iha Suco laran.’’ Dehan Oslo
Iha fatin hanesan , Komandante PNTL Munisipiu Lautèm , Superintendente Polisia , Antonio rego Fernandes hateten , Strutura Konselu Polisiamento Komunitaria tengki implementa Servisu ho Konseitu Peskija , Analija , Responde no Avalia (PARA) nune`e ita bele hamutuk hodi Minimija konflitu krime ne`ebe mosu iha nivel suco.
‘’ Antes Estabelesimento KPK , Membro PNTL fasilita ona Formasaun kona ba lala`ok , no Knàr no Responsabilidade ba Strutura KPK iha Suco Bauro durante loron 2 , ne`ebe hau hanoin Equipa KPK Simu ona Informasaun lubuk ida husi PNTL sira , ne`e duni hau hakarak , haforsa liu tan de`it katak , Equipa KPK nia Kna`ar Importante 2 mak hanesan halo Identifikasaun no prevensaun , Mediasaun no Negosiasaun , se la sala ita bo`ot sira simu ona Informasaun Iportante balun kona ba konseitu , PARA mak Peskija , Analija , Responde no Avalia , ne`eduni equipa KPK tengki halo Peskija iha Komunidade nia Le`et hodi identifika problema , no bele hamutuk halo Anàlija, Responde ba Problema hirak ne`ebe identifikadu ona iha Sucu Laran , no relata ba PNTL hodi bele hamutuk halo Negosiasaun no Mediasaun oinsa halo prevensaun ba Problema Krime ne`ebe mosu iha Komunidade nia le`et . Katak Komandante PNTL Munisipiu Lautèm.
Entretanto; Serimonia tomada de Posse ba Strutura KPK iha Suco Bauro ne`e ba dala Rua nolu resin Ida (21) no Falta Suco Sanolu resin Tolu mak sida`uk 13 hodi kobre , no tuir planu sei kobre hotu iha tinan ida ne`e.
Jornalista;Aci
Editor;NP
