Lospalos RCL VOX POPULY 08/05/2023 = Maske Fulan ida ne`e nùdar Fulan Politika nian , ema hotu ho Hanoin no Politika Diferente , maibe la siknifika hamate Povu Lautèm nia Fiar ba Kultura , tamba Lautèm Nanis ona Moris ho Kultura , no kuda nafatin Amizade nùdar Maun ho Alin , Feto San Umane , tamba Kultura Lautèm Importante ba Lautèm Oan sira , atu kria Pàs no Estabilidade durante no depois Elisaun Parlamentar ba tinan ida ne`e.
Administrador Munisipiu Lautèm , Domingos Xàvio ba Jornalista RCL iha nia Kna`ar fatin Segunda feira ne`e , apela ba Povu tomak iha Munisipiu Lautèm , atu labele monu ba tentasaun Politika hodi fahe malu , maibe tengki kuda nafatin Kultura Lautèm nian iha ida-idak nian Fuan , hodi Kria nafatin Amizade Pàs no Estabilidade , atu ita hotu bele Festeja Festa Demokrasia ho Trankuilidade.
Administrador Munisipiu Lautèm ne`e mòs hateten , iha Nasaun Demokratiku ida ne`e , nùdar Ema iha Direito atu Inklina no Apoia ba Partidu Politika ida ne`e normal , maibe ida ne`e la siknifika atu hafahe ita nia Amizade nùdar Maun ho Alin no feto san Umane , tamba ida ne`e Doutrina Eransa ida ne`ebe ita nia Beiala sira husik hela mai Povu Lautèm.
‘’Nùdar Aman ba Munisipiu Lautèm husu ba Povu tomak iha Munisipiu Lautèm , atu labele monu ba tentasaun Politika hodi fahe malu , maibe tengki kuda nafatin Kultura Lautèm nian , iha ida-idak nian Fuan , hodi Kria nafatin Amizade Pàs no Estabilidade , atu ita hotu bele Festeja Festa Demokrasia ho Trankuilidade , tamba iha Nasaun Demokràtiku ida ne`e , nùdar Ema iha Direito atu Inklina no Apoia ba Partidu Politiku , ida ne`e normal , maibe ida ne`e la siknifika atu hafahe ita nia Amizade nùdar Maun ho Alin no feto san Umane , tamba ida ne`e Doutrina Eransa ida ne`ebe ita nia Beiala sira husik hela mai Povu Lautèm , no fiar ba nafatin katak Lautèm nanis kedan moris ho Kultura hodi halibur malu , la`o hamutuk iha Situasaun sa`ida de`it , hakrùk nafatin ba Lautèm nia Lèma Hamutuk Lautèm Forsa , Forsa Hamutuk Lautèm bele , maske ho Diverjensia Politika oin-oin , maibe ita hotu kuda nafatin Kultura iha ita ida-idak nia Fuan , ita fò Apoiu ga sai Militante no Simpatijante ba Partidu ida ne`e normal , mais ita tengki intende didiak tinan Politika ne`e , akontese iha kada tinan 5 , maibe ita nia hamutuk nùdar Maun Alin no Feto Sàn Umane ne`e akontese lor-loron liu husi lia mate no lia moris .’’ Hateten Administrador Munisipiu Lautèm , Domingos Xàvio ba Jornalista RCL iha nia Kna`ar fatin Segunda 08/05/2023.
Entretanto; Maske ita Moris ho Diferente Hanoin no Politika , maibe sei la hamihis Espiritu Pàs no Estabilidade , laiha Pàs sei laiha Dejenvolvimento , ne`e duni , Lautèm Oan sira tengki hametin Unidade , Pàs no Estabilidade , hodi Alkansa Dejenvolvimento ba Povu hotu no ba Nasaun Demokràtiku ida ne`e .
Jornalista ; SdC
Editor ; NP
