Lospalos RCL VOX POPULY 19/05/2023 = Autoridade Munisipiu , hamutuk ho Entidade , no Povu sira iha Postu Lospalos , Munisipiu Lautèm , Partisipa iha Misa Agradesimentu ba Loron Aniversariu Restaurasaun Indepedente ba Dala Rua nolu Resin ida , iha Igreja São Paulu Lospalos , Sexta 19/05/2023 Lorokra`ik .
Komemorasaun Aniversariu Restaurasaun Indepedensia Timor Leste iha Loron Rua nolu Fulan Maiu ne`e , hanesan Loron Ne`ebe Importante ba Povu Tomak , tamba ho loron ida ne`e ita hotu bele fò Omenagèn ba Luta na`in sira ne`ebe Sakrifika Àn iha tempu Rejistensia to`o hetan Indepedensia.
Liu husi Homilia Misa Agradesimento ne`e Padre Mario Gaspar SDB hateten,loron ohin , hanesan loron ne`ebe importante ba Povu tomak , atu selebra no Komemora Loron Aniversario Restaurasaun Indepedensia ba dala Rua nolu Resin Ida ba Tinan ida ne`e , tamba ho loron ida ne`e Ema hotu Hanoin Fila Fali Ba Horai sira nebe mak fo an ba Mate hodi liberta rai doben ida ne`e.
‘’ Komemorasaun Aniversariu Restaurasaun Indepedensia Timor Leste iha Loron Rua nolu Fulan Maiu ne`e , hanesan Loron Ne`ebe Importante ba Povu Tomak , tamba ho loron ida ne`e ita hotu bele fò Omenagèn ba Luta na`in sira ne`ebe Sakrifika Àn iha tempu Rejistensia to`o hetan Indepedensia ,Ohin Loron Importante liu –liu ba loron 20 no Loron 21 ida ne’e Tamba Ita Hotu Hatene katak,Loron 20 –maio ida ne’e ita hanoin fila fali Heroi sira Nebe Terus , Susar no mate ba ema barak nian mak ita bele hetan Independensia,tamba ne’e Loron Ohin ita tenke Haksolok tuir Evangeliu hateten mai ita katak , Hau dehan sai diak hirak ne’e ba imi , atu hau nia ksolok hela ho imi ,iha imi no imi nia ksolok sai lolos,tamba tinan 21 ita restaura ita nia independensia ita haksolok duni ga lae ,wainhira ita la haksolok ita nia independensia laiha valor , hodi ida ne’e Povu hotu tenke haksolok no kontente hodi moris iha Domin no Pàs nia Laran , Ida ne’e mak importante ba ita hotu, ita haksolok laos halo atu povu terus nafatin ida ne’e ita povu fo votus ita sei arepende ,tamba ne’e ohin ita hamutuk iha ne’e atu reza ba maromak hodi nune ita bele eskoila didiak ita nia lider ita nia partidu ida nebe mak bele halo mudansa ba ita nia nasaun no ita mos tenke husu ba maromak atu fo bensaun mai ita atu fo brani mai ita atu bele hili lider nebe diak ba nasaun nia futuru.’’ Hateten Padre Mario Gaspar iha missa Agradesimento ba Selebrasaun Komemorasaun loron Aniversariu Restaurasaun Indepedensia Timor Leste bad ala XXII iha Igreja São Paulo Lospalos Sexta 19-05-2023
Entertantu:Missa Agradesimento ida ne’e lao ho diak tamba hetan partisipasaun husi Autoridade Munisipal no Postu , Fungsionàriu Pùbliku no,Servisu orgaun Elitoral , Comunidade sira iha postu lospalos.
Jornalista ; sysy
Editor ; NP
