Bauro Lospalos RCL VOX POPULY 01/06/2023 = Komunidade Aldeia Somotxo , ne`ebe Nùdar Benefisiàriu ba Uma Naroman ba Povu (UNP) Agradèse ba Oitavu Governu Konstitusional , tamba Bele fasilita Uma Dignu ba nia Povu sira , liu-liu iha Aldeia Somotxo , Suku Bauro , Posto Administrativu Lospalos , Munisìpiu Lautèm.
Benefisiariu ida iha Aldeia Somotxo Eugèniu Tawares ho Idade 85 ba Jornalista RCL iha nia rejidensia Quinta feira ne`e hateten , nia parte Sente kontente ho Lolo liman Estadu nian ba sira , tamba Bele Konstrui Uma Dignu ba nia , tamba uluk nia Uma ho kondisaun Gràve , no la seguru ba nia Moris.
‘’Hau Sente ho ho idade Hau nian ne`ebe avasadu ona ne`e , hau bele Goja netik Dejenvolvimentu ne`ebe Estadu halo iha rai ida ne`e , tamba ho Estadu nia Esfòrsu , hau bele hela iha Uma ne`ebe Dignu , no Seguru , tamba Estadu Konsidera hau hanesan Ema Idoju ida , nune`e hau agradese ba Governu ida agora ne`e , tamba bele fasilita Uma Dignu ba nia Povu sira ne`ebe Kbi`it La`ek.’’ Hateten Eugèniu Tawares ba Jornalista RCL iha nia Rejidensia Aldeia Somotxo Quinta 01/06/2023.
Husi Sorin Seluk , Benefiariu nia Oan Feto ho naran Marzita de Jejus Sente katak , Uma ida ne`e hanesan Grasa Maromak nian , nune`e Governu bele konsidera nia papa , hodi Oferese Uma ne`ebe Kompleta ho nia Material Uma laran nian , nune`e hau sente kontente ho Ajudu UNP ida ne`e .
‘’ Uma ida ne`e hanesan Grasa Maromak nian , nune`e Governu bele konsidera nia papa , hodi Oferese Uma ne`ebe Kompleta ho nia Material Uma laran nian , nune`e hau sente kontente ho Ajudu UNP ida ne`e,tamba liu husi Tulun Maromak nian , Governu bele Desidi no Hili hau nia Papa hodi hetan Uma ne`ebe diak , ho nune`e hau husu ba Governu Foun oin mai , atu bele kontinua Programa Uma Naroman ba Povu , atu bele Oferese ba Komunidade balun ne`ebe to`o agora sei moris iha Uma ne`ebe la seguru , tamba Programa ida ne`e Importante ba Povu nia Moris.’’ Dehan Marzita.
Entretanto;Uma Naroman ba Povu ne`ebe Oferese ba Benefisiariu ida ne`e , sira hela ona Durante Tinan Ida ona , maibe Kondisaun Uma , kontinua aseguradu no sai sira nia Knu`uk Permanente iha Sira nia Jornada Moris.
Jornalista ; Linda
Editor ; NP
