Loré RCL Vox Populy 11/09/2023 = Comisaun Nasional Elisões ga CNE, Segunda Féira ne`e hala`o Edukasaun Sivíka ba Povu Sira iha Postu Administrátivu Loré , Munisípiu Lautém , ho Objétivu ida atu Esklarese Aktu Elitóral ba sidadáun no Elitór sira iha Ámbitu Elisaun Suku rihun Rua , Rua nolu resin Tolu , ne`ebe realija iha Aldeia Txái , Suku Loré Priméiru.
Komisáriu CNE Olavio da Costa Monteiro Almeida iha Abertura ne`e hateten , Elisaun Suku ne`ebe sei la`o ne`e bazéia ba Lei Númeru Sia barra Rihun ida Sanolu Resin Ne`en (Lei Nú 09/2016) , tamba ho lei ida ne`e , Nasaun Timor Leste , Realija ona Elisaun Xéfe no Konsélu Suku tinan Hitu liu ba , no kontinua ba tinan ida ne`e .
Komisariu CNE ne`e haktuir tán , CNE Iha Papél Importante ba iha Aktús Elisaun tomak , hodi hola parte ba Supervijaun no Monitorija , Prosesu Elisaun ne`ebe mak Nasaun Timor Leste hala`o.
‘’Ohin ita mai hamutuk iha ne`e , atu Hato`o no rona Informasaun kona ba Objétivu kona ba Elisaun Suku , liu husi ida ne`e ita bele Infórma no rona Lala`ok Elisaun Suku ne`ebe ita halo ona iha Tinan 2016 liu ba , no ba tinan ida ne`e hanesan Elisaun Suku dá Ruák , hodi fó Biban ba Ita Elitór sira iha Nivél Aldeia no Suku , atu hili Lideransa Komunitáriu Suku no Aldeia sira bazéia ba Lei Nú 9/2016. Ami (CNE) mai iha ne`e atu bele Eleva Koñesementu Povu no Elitór sira nian iha Suku 2 , Aldeia 9 iha Area Postu Administrátivu Loré , Munisípiu Lautem nian , atu bele Promove Partisipasaun Elitór iha Elisaun Suku ida ne`ebe Inklusivu no Partisipavu , Papel CNE hanesan Orgão Elitóral ne`ebe Indepedentemente , hodi halo Supervijaun no responsabilija Elisaun tomak ne`ebe hala`o iha Nasaun Democrátiku ida ne`e .’’ Hateten Komisáriu CNE Olavio da Costa Monteiro Almeida iha Abertura Atívidade Edukasaun Sivika iha Aldeia Txái , Suku Loré Priméiru , Segunda 11/09/2023.
Iha fatin Hanesan , Administradór Postu Loré , Munisípiu Lautém , Carolinu da Silva hateten , nia parte Agradese ba Prejensa Comisaun Nasional Elisões (CNE) iha Postu Administrativu Loré hodi Esklarese Aktu Elitoral ba Sidadaun no Elitór sira iha Postu ida ne`e liu husi Edukasaun Sivika , atu Povu sira bele Intende diak liu tán lala`ok Elisaun ba Liderasansa Komunitáriu nian.
‘’Hau lori Povu Loré nia naran , Agradese ho Préjensa CNE iha Postu Administrativu Loré nian ba loron ohin , tamba ho Préjensa ida ne`e bele Eduka no Mótiva nafatin Povu sira ne`ebe ho Idade Elitór iha Suku 2 , Aldeia 9 atu bele informadu , no preparadu hodi Promove Partisipasaun iha Elisaun Suku ida ne`ebe Inklusivu no Partisipativu , tamba ho Elisaun Liderasa Suku , ita bele hili Lideransa Komunitariu ida ne`ebe diak , hodi Servi Povu sira iha Nivel Aldeia Suku , Postu to`o nivel Nasional , Nune`e Husu ba Povu tomak ne`ebe Partisipa atu bele partisipa ho Ativu , hodi Gaña Informasaun ne`ebe partial husi CNE iha loron ohin.’’ Dehan Carolino.
Entretantu ; tuir Kalendariu Aprovadu katak , Prosesu sira kona ba Elisaun ba Lideransa Suku nian , sei hahu iha Loron Sanolu resin Tolu Fulan Outubru liu husi Fungsionamentu Meja Elitóral Suku no Loron Realijasaun Elisaun Suku sei hala`o Diréita iha Loron Rua nolu resin Walu Fulan Outubru Rihun Rua , Rua nolu resin Tolu (28/10/2023).
Jornalista ; Linda
Editor ; NP
