Lospalos RCL VP 12/11/2023 = Juventude no Autoridade Local iha Munisipio Lautèm halao Missa Agradesimentu ba Comemorasaun Loron Nasional Juventude ba dala Rua nolu resin Rua no Masacrè Santa Crúz 12-11-1991 ba dala XXXII nian iha Igreja são Paulo Lospalos .
Amu Selebrante Padre Ijaias Bonifasio SDB iha homilia Missa Agradesementu ne’e hateten, nudàr Kriatura maromak nian , hetan ona matenek husi Maromak ba ita hodi uja ho kapasidade ne`ebe mak iha , tenke iha pasensia hodi kria kondisaun ne`ebe diak , ho matan moris neon Na`in ba moris rohan la`ek , ba Dezenvolvimento Nasaun nian.
‘’Liu husi Mensagen Primeira Litura ne’e hakalaken mai ita katak , ita nudar Kriatura, maromak fo ona matenek ba ita ,ita tenke uja ho kapasidade hodi tetu ida ne`ebe diak no ida ne`ebe mak Àt ,nune`e ita bele moris rohan la`ek no hetan salvasaun ,ba mensagen ba Daruak nian ,ita tenke Pasensia nune ita bele kria kondisaun hodi moris Ambiente Pás no Estabilidade , labele halo Provokasaun , no mensagen ba dala tolu nian mak ita tenke matan moris neon nain ,nune ita bele moris rohan la`ek. Hateten Amu Selebrante Padre Ijaias Bonifasio SDB iha homilia Missa Agradesimentu iha 12-11-2023
Padre Ijaias mos hateten, Doze dé Novembru sai Loron Nasional ba Juventude sira liu husi Luta ba Dezenvolvimentu ,no Loron 12 dé Novembru ba tinan ida ne`e mós sai hanesan , loron Masacre Santa Crúz hanesan loron refleksaun ba Joven sira nia luta iha tinan 32 liu ba.
‘’Iha Loron 12-11-2023 ida ne’e mos Loron Importante ba Loron Juventude sira ba dala 22 atu Luta ba Dezenvolvimentu ,no Loron Masacre Santa Cruz ba dala 32 ne’e ita bele Refleta ba Juventude sira nebe mak fo nia an ba rai Timor Leste hodi ita bele hetan liberdade,hodi ida ne’e Juventude sira nebe mak Agora dadaun iha Nasaun timor Liu-liu iha Munisipio Lautèm ne’e imi tenke sai kontinuador ba sira nia luta , liu husi Kontribui ba Páz no Estabilidade iha Nasaun ida ne`e , Nune`e Prosesu Dezenvolvimentu bele la`o ho Diak.’’ Dehan Padre Ijaias Bonifasio SDB.
Entertantu:Hafoin Misa Agradesementu ne`e , Juventude hamutuk ho Autoridade Lokal iha Munisípiu Lautém hala`o Viazén ba Santa Krús no Monumento Txàiwatxa , hodi fó Ònra no Gloria ba Luta Na`in sira ne`ebe Mate tamba rai ne`e nia Liberdade no Soberanu .
Jornalista ; Ersi
Editor ; NP
