Lospalos RCL VP 20/11/2023 = Uma Naroman ba Povu (UNP) ne’ebe Konstrui ba Povu , Liu husi Programa Nasional Dezenvolvimento Suku PNDS Iha kada Suku Iha Munisipiu Lautem, to’o Agora balun remata ona , maibe sidauk Kompleta Sasan Uma laran nian .
Benefisiariu UNP Iha Aldeia Vailana , Suku Lore Primeiru Postu Lore Eugenia da Costa Dias , wainhira Jornalista RCL Hasoru , Segunda nee hateten, Uma ne’ebe Governu Konstrui Liu husi PNDS nian ba Nia , Remata Ona kuaze Fulan 4 ona, maibe to’o Agora Eletricidade no Sasan Uma laran Nian sidauk Tama, nune’e Uma refere ne’e sidauk utilija.
“Hau sente Orguilu, Tamba Governu hanoin ona Ami Povu , hodi Konstrui Uma Naroman ba Povu ,Liu husi PNDS , no Hau nian Remata Ona, maibe to’o Agora sidauk Kompleta ho Eletricidade no Sasan Uma laran Nian, Nune’e nudar Benesiariu UNP Iha Aldeia Ida ne`e husu ba Parte ne’ebe kompetente atu bele aseleira prosesu nee para Ami bele utilija ona Uma Ida ne’e.” Dehan Eugenia ba RCL Segunda Feira 20/11/2023.
Alende ne’e , Xéfe Suku Kakavei Postu Benefisiariu Ida Iha Suku Kakavei Postu Lospalos Mario dias Quinta hateten , Prosesu Konstrusaun UNP iha Suku Ne`ebe nia Xéfia ne`e hahu remata ona , maibe sida`uk Kompleta Sasan Uma laran nian , nune`e PNDS tengki prosesa ona Sasan Uma laran nian, nune`e Uma ida ne`e bele Entrega ba nia Na`in.
‘’Iha Hau nia Suku, Konstrusaun UNP ne`ebe Governu Oferese ba Povu liu husi Programa PNDS ne`e , hahu remata ona , maibe Sasan Uma laran nian , mak to`o agora ami hein maibe sida`uk iha Informasaun husi Parte ne`ebe Kompetente , nune`e Hau husu ba PNDS Atu bele asleeira Prosesu ne`e , nune`e Uma ne`ebe Kontrui ona ne`e bele entrega ba nia na`in atu bele uja , tamba wainhira Abandona kleur , sei fó Impaktu.’’ Dehan Mario.
Husi Fatin seluk Benefisiariu ida ida iha Aldeia Luturula , Suku Leuro Postu Lospalos , Livia dias Quintas hateten , Uma ne`ebe Konstrui liu husi PNDS ne`e , nia parte utilija ona , maibe to`o agora Sasan ne`ebe mós sai hanesan Pakote Uma nian ne`e , sidauk entrega , sira mós Enkontru ona ho Equipa PNDS iha Suku no Postu hodi Ejiji Sasan Uma laran nian , maibe to`o agora sida`uk iha Resposta.
‘’Hau Sente Triste Tebes Tamba Uma Kbit Laek Ne’ebe Hau Hetan Ne’e,Hau Hela Kelur Ona , maibe to’o agora sasan uma laran nian ne’e hau seidauk hetan no hau to’oba iha rai deit , tamba toba iha rai ne’e malirin los hodi ida ne’e Ami Mos Enkontru Ona Ona Ho Equipa PNDS , maibe to’o agora seidauk mai ne’e ,diak liu kolia klaru ba ami hirak ne’ebe hetan UNP ne’e atu nune’e ami rasik halo kama simples mos diak.’’ Dehan Livia
Ho Kestaun ida ne`e , Media ne`e rasik tenta atu husu Konfirmasaun ba Parte PNDS maibe , Diretór laiha iha nia fatin , tamba sei hala`o viazen servisu baa tin seluk , maibe Media ida ne`e sei tenta nafatin to`o hetan konfirmasaun klaru.
Jornalista ; SiLiSi
Editor ; NP
