Lospalos RCL VP Segunda 22/01/2024 = Relasiona ho Despaisu ne`ebe Ministériu Edukasaun hasai ba Eskola atu hapára Kombransa Sa`ida de`it ba Inan Aman Alunu sira ba Nesesidade Eskola nian , Nune`e Inan – Aman Alunu sira husi Ensinu Sekundária Geral Lere Anan Timor (ESG LAT) Lospalos Segunda Feira ne`e, Husu ba Parte Eskola atu fó Fila Osan Matríkula Ne`ebe Inan aman liu husi Alunu sira hatama ba Eskola .
Repréjentante Inan Aman Armindo da Costa Monteiru , liu husi Enkontru Inan Aman Alunu iha ESG-LAT Lospalos hateten , Eskola Públiku hotu-hotu iha Teritóriu Timor Leste , inklui Munisípiu Lautém tengki kumpri Desijaun ou Despaisu Sirkular Ministériu Edukasaun nian , tamba Kontribuisaun Inan Aman ba Edukasaun liu-liu ba Eskola Públiku Sira Kleur ona , no ho Despaisu ida ne`e Tempu ona atu hapára Kontribuisaun Inan Aman nian ba Eskola .
‘’Kontribuisaun Inan Aman ba Eskola , la`o Kléur ona , Liu husi Kontribuisaun Inan Aman nian , bele Insentiva Manorin Kontratadu sira , nune’e mós ba Administrasaun sira seluk , nune`e Despaisu ne`ebe Ministériu Edukasaun Juventude no Desportu Hatuún ne`e Tempu ona atu Hapára Kontribuisaun Inan Aman nian , ne`e Hanesan Ajuda ona Povu Kbiít Laék sira , tamba Kontribuisaun Inan Aman , ne`e hola parte ba Selu Manorin sira ne`ebe Kontratadu , Maibe ba tinan ida ne`e Hau hanoin Governu iha Kbiít atu Dezenvolve Eskola liu husi Orsamentu Estadu Rasik , nune`e mós tempu ona ba Estadu atu Rekrúta Prófesor hodi hanorin iha Eskola. Hau mós husu ba Ministériu Edukasaun , liu-liu ba Eskola Sira , atu Kontinua Ensinu Aprendijajen hanesan bain-bain , atu Alunu sira labele sai Vitima ba Politíka ne`ebe iha , Ita hotu hatene katak eskola Públiku hotu-hotu la halo ona Kobránsa ba Inan Aman , liu-liu Kontribuisaun Inan aman niann atu selu professor kontratadu sira , nune`e Parte Eskola tengki fó fila Kontribuisaun Inan aman nian liu husi Rejistrasaun Alunu foun no tuan ba Tinan ida ne`e , tamba Ami Inan Aman sira ne’e buka osan araska los , Folin sasan liu-liu Foós mós kontinua Sa`e.’’ Hateten Reprejentante Inan Aman Armindo da Costa Monteiru , liu husi Enkontru Inan Aman Alunu iha ESG-LAT Lospalos Segunda Feira 22-01-204
Iha fatin Hanesan , Padre Jose Agustino SDB , Agradese ba Estadu , tamba bele hatún Despaisu b aba Eskola hotu-hotu iha Nasaun Timor Leste , hodi hapára Kobransa saída deít husi Eskola ba Inan Aman sira , maibe Ensinu Aprendijajen iha Eskola ne`e lá la`o ona ho Efetivu , tamba Profesor hahu Menus .
‘’Eskola Gratuita ne`e , ita hotu hakarak , maibe iha tempu badak ida ne’e Ita nia Oan sira la tuir ona Ensinu Aprendijajen ho Efetívu , tamba Manorin Menus , dala ruma Ita nia Oan sira sei lakon Oportunidade ba Primeiru Periodu nian , no ida ne`e sai Obstaklu bo`ot ba Kualidade Edukasaun nian , ne`ebe aféta mós ba Oan sira nia Futuru.’’ Dehan Padre Jose Agustino SDB.
Iha sorin seluk Presidente Asosiasaun Inan Aman no Profesores (AIAP) LAT Lospalos Tomás Eli Timor mos hateten , Inan aman sira Tengki hanoin didiak , mak Ejije ba Eskola atu fó Fila Osan Iskrisaun Alunu sira nian , tamba sei fó impaktu bo`ot ba Ensinu Aprendijajen iha Eskola refere , nune`e nia parte Desidi atu lakoi simu tan Osan Inskrisaun husi Eskola hodi fasilita Eskola , hodi kontinua Ensinu Aprendijajen ho Efektivu .
‘’Ita hotu hanesan Inan Aman Alunu sira iha Eskola ida ne`e , nune`e ita hotu tengki hanoin didiak mak Ejiji ba Eskola hodi fó fila Osan Inskrisaun Alunu Foun no tuan sira iha Eskola ida ne`e , tamba sei fó Impaktu ba Alunu sira nia Ensinu Aprendijajen iha Eskola ida ne`e , ba Hau sei lákoi Simu tán Osan Inskrisaun ne`ebe Hatama ona ba Eskola hodi bele fasilita Prosesu Ensinu Aprendijajen , nune`e Alunu sira labele sai vitima ba professores hirak ne`ebe mak hapára ona nia kontratu.’’ Ténik Tómas Eli Timor.
Entertantu: Enkontru ida ne`e sida`uk iha Desijaun ne`ebe Fiksu , tamba Liu husi Enkontru ida ne`e , Inan aman sira hamosu Pró no Kontra ba Despaisu ne`ebe Ministériu Edukasaun Hatuún , no tuir Planu Parte Eskola sei halo Enkontru ho Servisu Munisípal Edukasaun , hafoin bele hamosu Desijaun ne`ebe Pojitivu.
Jornalista ; SdC & Syda
Editor ; NP
