Lospalos RCL VP Tersa 13/02/2023 = Bis Ho Naran Prinsipiu ,Dirasaun Postu Iliomar Dili , Segunda Feira ne`e , maizumenus tuku Sanolu Resin Tolu , liu Menutu Sanolu Resin Lima (13:15) hetan Asidente Bakufila iha Aréa Sorumoko , Suku Leuro Postu Administrativu Lospalos , hodi Rejulta Ema na`in Tolu Kanek todan Inklui Kondutór , no Na`in Hitu Sira seluk Kanek Kamaán .
Segundu Komandante PNTL Munisípiu Lautém Inspetór Xéfe Polisia , Afonsu Pintu ne`ebe Jornalista sira hasoru iha nia servisu fatin Tersa feira ne’e hateten, Bis Prinsipiu ne`ebe hetan Asidente ne`e , mai husi Postu Iliomar ba Dili , maibe ho Velosidade ne`ebe Ás , to`o iha Aréa Sorumoko Hetan Asidente , tamba la hetan ona Kontrola husi Kondutór ,une`e Pasajeiru Na`in 9 hamutuk ho Kondutór Bis hetan Kanek , hirak ne`ebe mak Kanek , Evakua kedan ba Sentru Saúde Internamentu Lospalos hodi Hetan Taratamentu Intensivu.
‘’ Bis Prinsipiu ho Numeru Veiklu 38225 Dirasaun Iliomar Dili ne`ebe mai husi Iliomar , atu ba Dili , maizumenus Tuku 13:15 ho Pasajeiru hamutuk Na`in 9 Inklui Kondutór , Hetan Kanek todan no Kamaán , no Bis ne`e rasik Halai ho Velosidade Makaás , no hetan Asidente Tráfiku iha Suku Leuro Aldeia Soru- Moco Postu Lospalos Munisipiu Lautem , no husi Pasajeiru Na`in 9 no Kondutór ne`e kanek ne`e , Na`in 3 Inklui Kondutór hetan Kanek Todan mak hanesan Leo da Consensaun Tilman Barbosa hetan pankada iha hirus matan, no Karselino Jeronimo hetan tohar iha nia ain Parte Lós nian, nune`e mós Kondutór ho Inisial LEP hetan kanek todan ho Liman lós Tohar ,ho Akontesimentu ne`e Akontese , Vitima Asidente Tráfiku Evakua kedan ba Sentru Saúde Internamentu Lospalos hodi hetan tratamentu Inténsivu .’’ hateten Segundu Komandate Inspetór Xéfe Polisia , Afonsu Pintu ba Jornalista sira iha Komandu PNTL Munisípiu Lautém Tersa feira 13/02/2024.
Entertantu: Kondutór Transporte Públiku , ne`ebe Sirkula ba Suku , Postu ,no ba Dili , tengke Kontrola nia Velosidade , hodi Evita Asidente Tráfiku , tamba Pasajeiru sira nia Vida iha Kondutór sira nia Liman.
Jornalista ; syda
Editor ; NP
