Postu Loré RCL VP 03/06/2024 Estrada ne`ebe liga husi Kapital Munisípiu Lautém to`o iha Postu Loré to`o agora ho kondisaun Grave , nune`e Komunidade sira kontinua halerik ba Kondisaun Estrada refere , tamba Sira sente katak ho Estarada mak bele hasa`e sira nia Rendementu Ekonomiku .
Ho kondisaun Estrada ida ne`e Xefe suku Loré Primeiru Abilio Amaral , husu ba parte relevante hodi bele tau atensaun ba Prosesu Infrastrutura , liu-liu Estarada Postu Administrativu Loré no suku Loré 1 hodi sai hanesan ho postu administrativu sira ne’ebé nabilan .
‘’Hau rekomenda ba IX Governu atu toma atensaun ba estrada ne’ebé grave husi kapital Munisípiu Lautém to`o iha Postu Loré , nune`e bele fasilita povu sira hodi transporta sira nia Produtu Lokal ba Mercadu , tamba Ami sente katak ho Estarada mak bele hasa`e sira nia Rendementu Ekonomiku.’’ Dehan Xefe suku Loré 1, Abilio Amaral ba Jornalista sira iha Suku Loré Primeiru
Iha sorin seluk komunidade Aldeia Vailana Izelia Fernandes , hateten ho Kondisaun Estrada Kontinua nune`e nafatin , sira labele Transporta sir ani Produtu Lokal , nune`e husu ba Governu atúal , atu bele tau matan ba Estrada ne`ebe hori uluk , hori Waín grave .
“Ami labele Transporta ona ami nia Produtu Lokal , hanesan Nuú Maran , Kamií , Batar no Produtu sira seluk bai ha Merkadu , tamba Estrada ami nian ho Kondisaun Grave , nune`e Husu ba Governu atúal ne`ebe lidera husi Maun bo`ot Kayrala Xanana Gusmão atu bele Orienta Ministériu ne`ebe relevante , atu bele tau Prioridade Máximu ba ami nia Estrada ne`e .’’ Tenik Izelia Fernandes
Husi sorin seluk Julieta da Concencão , maske Timor Leste ukun an Ona , maibe Povu Postu Loré sidauk Sente Ukun Aán nia rejultadu , tamba Dezenvolvimentu iha Rai Loré to`o agora la la`o ho diak .
‘’Ami Postu Loré sidauk sente saida mak mak Dezenvolvimentu , tamba realidade ami Povu Lore sei Kontinu triste Tamba Prosesu Dezenvolvimentu hanesan Saúde , Estrada
wainhira inan sira isin Rua , besik atu Partu Susar ba Hospital Lospalos , tamba Kondisaun Estrada , hodi ida ne’e hau husu governu relewante bele tau antensaun ba ami nia preokupasaun sira ne’e .’’ dehan Julieta
Iha sorin seluk Jose Monteiro hanesan Loré oan reprezenta komunidade hateten ukun an tinan 22 Loré foin senti mak naronam eletrisidade maibé estrada kontinua sai problema prinsipál iha postu Loré.
‘’Maske Tinan 22 Timor Leste Ukun Aán maibe Povu Loré Foin Sente deit mak Naroman Ahi Eletrisidade , maibe ba Infrastrutura sira seluk hanesan Estrada no Saúde sidauk , ne`eduni hirak ne`e sai ami nia Preukupasaun bo`ot , Estrada kuaze 23 kilometru maibé governu seidauk tau matan, kada tinan 5 bo’ot sira troka malu mai kampaña no dehan kuandu sira Lidera Governu sei hadi’a estrada no saida mak ami hakarak sira sei atinje hotu, maibé realiade ida ne’e hanesan promesa de’it hodi atinje sira nia interese,Informasaun ne’e hau sujere ba ita bo’ot sira se bele karik informasaun ida ne’e imi públika labele edit no oinsa informasaun ne’e bele to’o iha Prezidente, Parlamentu Nasional no Primeiru Ministru para sira bele rona hodi nune’e sira tau iha planu ida hodi dezenvolve postu Administrativu Loré”Tenik nia ba jornalista sira iha Loré Sabado 01-06-2024
Iha fatin hanesan Lian Nain Cesar Henrique, hatete, Governu tenki prepara kondisaun ida di’ak hodi fasilita no tulun sira lori produtu ba merkadu , tamba Produtu Agrikola iha Postu Loré barak mak Soe estraga deit .
‘’Povu Loré mós uluk terus iha Tempu Rezisténsia nia laran , maibe iha Era Ukun Aán kuaze Tinan 22 , maibe ami iha ne`e kontinua Infrénta Problema Infrastrutura , liu-liu Estrada no Saúde , nune`e Hau rekomenda ba media atu hato’o ami nia lian ba Ulun bo`ot sira , atu iha hanoin ruma karik bele ajuda netik nia povu sira ne’e, tanba povu ida ne’e uluk funu mos terus agora ukun Aán mós kontinu terus.’’ Dehan Sezar Henrique.
Entretantu; Estrada bele Responde Problema lubuk Ida , iha Povu nia leét , nuneé Governu tengki Prioritiza Infrastrutura Estrada , Tamba Timor Leste Ukun Aán ona kuaze tinan Rua nolu resin Rua , maibe Dezenvolvimentu iha rai Loré kontinua hakdasak , Tuir dadus ho kondisaun estrdada ne’ebé grave , halo kareta rua mak baku fila , rezulta ema nain 5 lakon vida no nain tolu kanek grave ,Postu Loré noa Luan Àrea 133,77 Km2.
Jornalista;CC
Editor;NP
