Posto Luro rcl vp 12-03-2024 Saudozu Luis Pinto Husik hela nia Peregrinasaun iha Mundu ,iha loron 5 fulan juno, 2024, husik hela faluk, no Oan Kiak, famila boót Busarulu sente triste tamba lakon ona domin Aman nain ida iha familia sira nia le’et.
Amo paroku postu iliomar Luis Claver agradese ba saudozu nia dedikasaun tamba liu husi sira nia esforsu ho ideologia ida katak, mate ka moris ukun rasik aan , nune ohin loron Timor Leste hetan ona nia independesia.
“ita nia gratidaun no agradese ba ita nia soudozu luis pinto nebe kaer metin espiritu nasionalismu no patriotismu hodi kaer metin ideologia “mate ka moris ukun rasik aan, ejemplu ida nee ba ita joven ohin loron nian. ita aprende ita hare no rona sira nian biografia sai hanesan historia ida ita bele prense liu husi ita nia partsipasaun ba dezenvolvimentu ohin loron nian. Agradese ba maromak tamba bele fo ema ida ho naran luis pinto nia naran hakerek ona hanesan besik kroak hakerek ona iha fatin ida nebe dignu atu ita hotu- hotu bele hare rona iha ita nia moris iha selebrasaun ida nee ita husu ba nai maromak atu lori nia ba hamutuk ho nia iha reinu lalehan nian. No reza hamutuk ho nia no ita fiar katak ita nia aman ida nee oras nee hamutuk ho nia iha lalehan.” Dehan Amo paroku postu iliomar Luis Claver SDB.
Reprezentante familia Saudozu Jose Luis da Costa hateten, familia sira sente triste tamba lakon ona domin husi saudozu Luis Pinto iha sira leet,tamba durante ne’e sai aman laran diak ida, lia nain diak ida no domin nain diak ida iha familia sira nia Le’et,tamba saudozu Luis Pintu sofre moras komplikadu no sofre Moras uluk iha tempu indonesia iha Ai laran hetan tiru husi inimigo iha nia ain parte kuana no to’o ohin loron Saudozu la konsege Rekupera nia Moras to’o ikus hakotu nia Viagen moris.
‘’Nudar familia saudozu matebian Luis Pinto, ami sente laran triste tamba lakon ami nia aman laran diak ida, lia nain diak ida no domin nain diak ida iha familia nia leet tamba nee ami familia sente lakon ami nia mediador diak nebe ami sente laran todan atu Saudozu husik hela ami no durante ne’e saudozu Luis Pintu sofre moras komplikadu no sofre Moras uluk iha tempu indonesia iha Ai laran hetan tiru husi inimigo iha nia ain, parte kuana sofre moras to’o ohin loron , durante Saudozu nia moras, husi parte CCLN tau matan nia moras nune Aviaun mai Lori saudozu ba halo tratamentu saude iha Dili ,maibe la konsege Rekupera husi nia Moras no deside fila mai nia rezidensia to’o ikus hakotu nia Viagen moris.” Dehan nia familia saudozu Luis Pintu. 10/06/2024.
Familia saudozu mos hateten tan,saudozu mos hetan ona rekonesimentu husi estado timor lesta liu husi kondekorasaun medalha Ordén NiculauLobato ho grau 3 eskalaun 2 iha betano same iha tinan 2013.
“Matebian simu ona nia pensaun veteranu simu ona farda veteranu, Nia dedikasaun no kontribuisaun ba rai ida nee ba povu ida nee ho masimu duni, tamba ne’e nia hetan direitu ba pensaun. Estadu fo ona rekonesimentu simu ona medalha kondekorasaun Ordén Niculau Lobato iha betano same 2013, ho kategoria 8 a 14, grau 3 eskalaun 2.”
Iha fatin hanesan ,Prezidente CCLN Munisipiu Lautem Aurelio Freitas Ribeiru haktuir CCLN iha responsabilidade hodi tau matan ba Kombatentes no veteranos sira iha munisipiu Lautem,tamba Conselho Combatentes da libertasaun nasional sempre oriente nafatin ba veteranus sira ,wainhira veteranus sira hetan moras,no saudozu Luis Pintu ne’e mos halao tratamentu saude duni iha Nasional,maibe tamba Kestaun idade no moras nebe la kura , no saudozu rasik deside hodi mai iha rezidensia to’o destinu ikus.
“Konselu Kombatente da Libertasaun nasional sempre liu husi estrutura no orienta atu bele informa ba veteranos ou combatentes nebe mak hetan moras liu husi ministeriu saude hodi halo tratamentu, ohin ita akompanha nia biografia familia no hamutuk combatentes nivel postu organiza duni ba halo tratamentu maibe tamba gestaun idade no moras nebe ke labele kura entaun saudozu rasik deside mai deskansa iha uma too nia distinu ikus.no los Saudozu hetan ona nia pensaun tamba nia desmobilizadu ho kategoria 8 a 14 e nia grau 3 tamba hanesan soldadu maibe nia eskalaun 2, nia simu ona nia direitu hanesan veteranos Nia akresenta ba combatentes no veteranos nebe hetan ona pensaun mensal ho kategoria 8 a 14 ate 20 a 24 wainhira mate familia bele sai rekerente hodi simu nia pensaun mensal.tamba Tuir lei kuando vetanos ka combatente ida nebe mak hetan ona pensaun mensal tama iha kategoria 8 a 14, 15 a 19, 20 a 24 tuir lei nia fen bele rekere karik nia fen laiha ou nia fen mos veterana simu ninian entaun, nia oan sira bele rekere sai hanesan rekerente hodi simu ninia aman ka ninian inan nia pensaun. Se fen laiha, oan laiha entaun inan aman, se inan aman laiha entaun maun alin iha direitu atu rekere tuir lei actual.”
Entretantu Kombatentes ho Veteranos sira nebe mak simu ona pensaun iha Munisipiu Lautem por volta de 2.228 pessoa kompostu husi frente Armada, Clandestina no Martires sira,Enkuanto ba hirak nebe husik ona mundo tuir kagetoria grau 4 a 7, 8 a 14, 15 a 19, 20 a 24, hahu husi tinan kotuk too agora dadaun nee hamutuk atus ida resin.
Jornalista;Linda
Editor;NP
