Lospalos rcl vp 19-06-2024 Ekipa Presidensiál da Repúblika , kuarta ne’e, halo disemimasaun ba dokumentu fraternidade umanu iha munisípiu Lautém, atu hametin valór maun-alin hodi garante pás no estabilidade,no Ekipa hahú disemina Dokumentu Fraternidade Umana ba estudante sira hafoin Ministériu edukasaun hatama ba sistema Kurikulu hodi sai matéria hodi hanorin estudante sira.
Asesór PR Assuntu Fraternidade Umana, Nuno Horta, ba Jornalista sira iha Quarta feira ne’e hateten ,Timor Leste mós hahú lakon ona sentidu Fraternidade tamba ne’e, liu husi rezolusaun númeru 11/2022 ne’ebé Parlamentu fó sai katak ,Dokumentu Fraternidade Umana sai ona dokumentu Nasionál.
‘’ Timor Leste mós hahú lakon ona sentidu Fraternidade tamba ne’e, liu husi rezolusaun númeru 11/2022 ne’ebé Parlamentu fó sai katak ,Dokumentu Fraternidade Umana sai ona dokumentu Nasionál,Nune’e , ami hahú ona sosializasaun iha munisípiu sira liu-liu estudante sira hafoin Ministériu Edukasaun hatama ba sistema Kurikulum,tamba Objetivu mai halo sosializasaun ne,e atu dokumentu ne’e tama iha sistema Edukasaun Estudante sira komprende no hatene neineik ona konteudu husi dokumentu referidu no dokumentu referidu ne’e fó sai mós husi líder Igreja Katóliku Amu Papa Francisco atu hafanu mundu nia matan hodi bele ka’er metin fila fali sentidu fraternidade umana tanba daudaun ne’e mundu hahú lakon valor maun alin.” dehan Nuno Horta iha Postu Lospalos Loron Quarta feira 19/06/2024.
Iha fatin hanesan, Diretór Eskola Bazico Central Lospalos, Ernesto Dos Santos hateten, dokumentu farternidade umana ne’e importante tebes atu hatama ba materia eskolár nian nune’e ema hotu bele komprende hodi halo tuir.
‘’ Dokumentu farternidade umana ne’e importante tebes atu hatama ba materia eskolár nian nune’e ema hotu bele komprende hodi halo tuir,tamba Documentu Fraternidade ida ne’e sai hanesan Kurikulum hodi hatama ba Sistema Educasaun Timor .’’ Hateten Ernesto
Entertantu: ita rona bele tama iha materia relijiuan no edukasaun sívika nian tanba nudar ema tenke simu malu labele hare ba nia lingua, maibé ita hanesan hotu, nune’e atu ema hotu bele simu malu para labele akontese funu.
Jornalista ; sisi
Editor;NP
