Autoridade Munisipal Lautem Selebra ona kontratu ba Kompanha Lokal 15 ba Projectu PDIM 2024

Lospalos rcl vp 01-07-2024= Autoridade Munisipál Lautém, liu husi  Secretário Munisipál, do Planeamento Investimento e Desenvolvimento Integrado, hamutuk ho Diretor Servisu Munisipál sira, hodi selebra kontratu ba Kompañia lokál sira hamutuk 15, ne’ebé liu ona prosesu konkursu Públiku iha Salaun VIP Autoridade Munisipál Lautém

Prezidente Autoridade Munisipál Lautém, Mélio de Jesus hateten, objektivo husi selebra kontrato ne’e  Autoridade Munisípiu Lautém, konvida  kompañia hamutuk 15,  atu hamutuk hodi halao selebra kontratu ba Projeitu 15 ne’ebé liu husi Projetu PDIM ba tinan fiskál 2024 nian.

Mélio de Jesus mos salienta tan, kompañia sira ne’ebé asina ona kontratu ba projetu, komesa mobilija material sira ba iha fatin Servisu no tenki halo  koordenasaun  ho Lider Komunitaria no seguransa sira.

‘’ objektivo husi selebra kontrato ne’e  Autoridade Munisípiu Lautém, konvida kompañia hamutuk 15,  atu hamutuk hodi halao selebrasaun kontratu ba Projeitu 15 ne’ebé liu husi Projetu PDIM ba tinan fiskál 2024 nian no kompañia sira ne’ebé asina ona kontratu ba progetu, komesa mobilija material sira ba iha fatin Servisu no tenki halo  koordenasaun  ho Lider Komunitaria no seguransa sira mak foin, kompanha sir abele halo nia serviso no alende ne’e Autoridade sei la estende tan kontratu ba Kompaña ne’ebé implementa projetu tarde, tanba ne’e, kompañia sira tenke entrega iha loron 31 Dezembru 2024, husu ba kompañia sira ne’ebé mak selebra kontratu, fulan Outobru 2024 projeitu tenke tama ona ba porsentu 80 ne’ebé ho kualidade, tanba bainhira iha inspesaun tékniku husi Obras Públika no PDIM ba halo verifikasaun mak la iha kualidade, kompañia refere sei hetan sansaun no sei blackdish ba kompañia refere, nune’e labele tuir tan pojeitu iha Munisípiu Lautém.no husi projeto hamutuk 15 mak hanesan Projetu kategória A mak konstrusaun reabilitasaun Ponte Bee-Moris, Reabilitasaun EBF Kuluhun, Konstrusaun mortuáriu Lospalos, Instalação Be Mos ba Postu Lore, konstrusaun Armajen STAE Lospalos, Konstrusaun barrajen no fatin fase karreta iha Administrasaun Munisípiu Lautém, Reabilitasaun Ponte Teinará Buihomau, Reabilitasaun Postu Saúde Naisalobu Postu Iliomar, Konstrusaun EBF Legidika Ililai, Postu Administrativu Lautém. No Konstrusaun Kategória B, mak hanesan, Rehabilitasaun Kampu Futebol Lospalos, Konstrusaun Edifício DNTT Lospalos, Konstrusaun Ensinu Báziku Leusari, Konstrusaun sistema Bee Mós iha Ailarino, Konstrusaun Uma Merkadu ho modelu barraka iha Postu Luro, Reabilitação Edifício Karpintária iha Caivaça, ne’ebé sei halo re-anúnsiu ba kompañia sira ne’ebé konkorre eskluidu hotu iha avaliação dokumentus’’. dehan Prezidente Autoridade Munisipál Lautém, Mélio de Jesus iha salaun VIP Autoridade Munisipiu Lautém segunda  feira 01/07/2024

Entertantu; total  Orsamentu ba Projeitu ne’ebé Autoridade Munisipál Lautém koloka ba iha Projetu PDIM ba 2024 hamutuk Milioens $.1. 856, 966, 57.

Jornalista;Ersi

Editor;NP