Lospalos rcl vp 26/07/2024 Grupu Juventude hamutuk Hitu, iha Postu Administrativu 3 Hanesan Luro , Lautém no Lospalos , Hetan Apoiu Fundus ki`ik no Kapasitasaun Husi Ong Child Fund Timor leste , nune`e Bele Fasilita Atividade ba Programa Juventude ba Mudansa , ne`ebe dada`un ne`e la`o iha Munisípiu Lautém.
Kórdenador Projétu ba Juventude ChildFund Timor leste Juvensio dos Santus ne`ebe jornalista RCL hasoru iha centru juventude Munisipiu lautém hateten objektivo husi programa ne’e atu refleta fila fali ba Apoi sira ne’ebé mak ChildFund oferese ona ba grupo Juventude sira ne’ebé mak ejiste iha Munisipiu Lautém.
‘’Objétivo husi programa ne’e , atu refleta fila fali , Apoi sira ne’ebé mak ChildFund fo ba grupo Juventude sira ne’ebé mak ejiste iha Postu Administrativu 3 mak hanesan , Luro , Lautém no Lospalos iha Munisipiu Lautém, tamba durante ne`e sira nia Atívidade kontinua La`o , liu-liu iha Programa Juventude ba Mudansa.’’ Hateten Kórdenador Projétu Juventude Ong Child Fund Timor leste Juvensio dos Santus ba jornalista RCL iha centru juventude Munisipiu lautém Sexta feira 26/07/2024
Nia Infórma Grupu Juventude Hitu ne`ebe Durante ne`e hetan Apoiu Fundus Ki`ik iha Munisípiu Lautém mak hanesan , Klibur Foinsa`e Fini Luro,Alumni chance maker Lautém,Centru juventude Lautém ,sangar haburas ,Grupo juventude Lausepo ,Grupo juventude husi suku rasa ,no Grupo juven halo mundansa iha Postu Lospalos.
‘’Grupu Juventude 7 ne`ebe Durante ne`e hetan Apoiu Fundus Ki`ik Husi Child Fund ba Prograna Juventude nian iha Munisípiu Lautém mak hanesan , Klibur Foinsa`e Fini Luro,Alumni Chance Maker Lautém,Centru Juventude Lautém ,Sangar Haburas ,Juventude Lausepo , juventude husi Suku Rasa ,no Grupo juven halo mundansa iha Postu Lospalos .’’ teknik Juvensio Do santus
Entertantu; Total Orsamentu ne’ebé aloka ba Grupo Hitu iha Munisipio Lautém Dolar Amerikanu Rihun Nen Liu (USS600+) tamba Fundus ida ne`e kategoria ba Fundus Ki`ik husi Ong Refere.
Jornalista;linda
Editor;NP
