Lospalos RCL VP 01/08/2024=Sekretáriu Estado Terras no Propriedades (SETP) halo sensibilizasaun konaba lei terras propriedades ba iha Autoridade lokal sira iha postu lospalos, Munisipiu Lautem.
Sekretário Estado Terras no Propriedades Jaime Xavier Lopes ne’ebe Jornalista RCL hasoru iha Salaun Adminitrasaun Munisipio Lautem Sengunda feira ne’e hateten, lei rai nian mak sai baze ba dejenvolvimentu tamba iha konstrituisaun artigo 54 define katak sidadaun hotu iha direitu atu hetan propriedade privadu maibe kuando governu presija halo dezenvilvimentu sei fo indeminizasaun nune’e bele halo dezenvolvimentu nebe diak iha Munisipio Lautem.
” konaba lei rai nian atu dehan katak ita buka meios atu sensibiliza lei ba komunidade sira oinsa atu bele hatene lei rai nian tamba lei rai mak sai baze ba dezenvolvimentu ekonomia sosial no kultura ka multi dimensiu, iha artigo 54 KTDTL alinea 1 hateten katak sidadaun hotu iha direitu atu hetan rai, bele fo ba ema seluk wainhira sei moris no wainhira mate, katak governu presija ba interese komum ba halo dezenvolvimentu atu prense ukun rasik aan ida ne’e no governu sei foti no sei fo indeminizasaun.” Hateten Sekretário Estado Terras no Propriedades Jaime Xavier Lopes ba Jornalista RCL iha Salaun Adminitrasaun Munisipio Lautem Sengunda feira 01/08/2024.’’
Iha fatin hanesan Prezidente Autoridade Munisipal Lautem Melio de Jesus mos agrdese ba prezensa SETP nian tamba bele sensibilizasaun lei rai nian ba komunidade sira iha Postu Lospalos Munisipio Lautem ,.
” Hau Agradese ba prezensa sekertariu estado terras propriedade,tamba liu husi sensibilizasaun lei rai nian ba komunidade sira iha Postu Lospalos ,atu nune xefe suku sira mos tenke atu akompanha ho diak nune bele fahe fali informasaun ne’e ba komunidade sira iha baze relasiona ho regime jeral ba bens imoveis nian nomos problema rai sei impede ba dezenvolvimentu tamba nee ami iha komitmentu katak problema rai tenki rezolvidu hotu tuir dalan legal tamba nee husu ba autoridade lokal sira atu aproveita ida nee hodi husu relasiona ho lei no 13/2017 kona ba regime geral bens imoveis, nune ba futuru wainhira governu hakarak halo dezenvolvimentu iha lautem hau lakohi rona tan problema rai.”
Entertanto sensibilizasaun ida nee lao diak tamba hetan partisipasaun maximu husi xefe suco, xefe aldeia no komunidade sira iha Postu Lospalos.
Jornalista;Versy
